Светските лидери апелираат за глобален договор за пандемии, предупредувајќи дека следната криза кај и да е ќе дојде

Заедничкото писмо, објавено низ светските медиуми, е потпишано од повеќе од 20 политички лидери од Европа, Африка и Азија, вклучувајќи ги и британскиот премиер Борис Џонсон, францускиот претседател Емануел Макрон и германската канцеларка Ангела Меркел, но и српскиот претседател Александар Вучиќ и албанскиот премиер Еди Рама од балканските лидери.

Светските лидери повикаа на договор за пандемијата денеска, истакнувајќи дека Ковид – 19 кризата е најголем предизвик за глобалната заедница од доцните 1940-ти години наваму.

Заедничкото писмо, објавено низ светските медиуми, е потпишано од повеќе од 20 политички лидери од Европа, Африка и Азија, вклучувајќи ги и британскиот премиер Борис Џонсон, францускиот претседател Емануел Макрон и германската канцеларка Ангела Меркел, но и српскиот претседател Александар Вучиќ и албанскиот премиер Еди Рама од балканските лидери.

„Денес, освен што сме заедно во борбата против Ковид – 19 пандемијата, подеднакво сме обединети и во надежта дека може да изградиме поцврст меѓународен здравствен систем што ќе обезбеди подобра заштита за идните генерации“, велат потписниците на писмото.

„Ќе има и други пандемии и сериозни здравствени кризи и во иднина. Ниту една национална влада или мултилатерална организација не може сама да се соочи со ваква закана. Само прашање на време е кога повторно ќе се појави голема криза.“

Генералниот директор на Светската здравствена организација Тедрос Аданом Гебрејесус, како и претседателот на Европскиот совет Шарл Мишел, еден од првите официјални лица што повика на меѓународен договор насочен кон справување со идните пандемии, исто така го потпишаа писмото.