СЕКОЈ ЛИДЕР ТРЕБА ДА БИДЕ ПРОДАВАЧ

Без разлика дали е шеф на човечки ресурси, ИТ или финансии, секој член во менаџмент тимот мора да знае да продава

Во јавноста обично преовладува мислењето дека луѓето од продажба се посебна сорта на луѓе, кои обични се премногу екстровертни, со голема самодоверба и дарба убаво да зборуваат и убедуваат. Во реалноста, интровертните луѓе можат да бидат подобри во продажба и посветеноста е всушност најдобра карактеристика според која може да се предвиди успех, без разлика за која бизнис функција станува збор.

Без оглед на се, кога станува збор за проширување на целите на една компанија секој лидер мора да има способност да ја продаде својата визија, без оглед дали тој е на чело на секторот за човечки ресурси, одделот за информатичка технологија или финансии.

Сите лидери и раководители во една компанија мора да имаат способност и вештина да продаваат. Еве четири причини зошто е тоа така:

Лидерите кои умеат да продаваат се здобиваат со кредибилитет

Можете да го познавате секој детал од вашата работа и целата сложеност која таа ја вклучува, но ако не можете за неа да зборувате на јазикот на вашите колеги, подредени или партнери, ќе биде многу потешко да ја здобиете нивната доверба. НАјдобрите продавачи се оние луѓе кои знаат да градат врск и и затоа секој лидер мора да ја вежба таа вештина. Врската е таа каде што се случува влијанието.

Лидерите кои умеат да продаваат ја движат работата побрзо

Добриот лидер ги мотивира луѓето да го дадат најдоброто од себе, да ги прифатат промените и да се подобруваат. За тоа да се случи, луѓето кои се на врвот мора да имаат моќ на убедување, што е уште еден важен сегмен опри продажбата. Мора да умеете да ја раскажете приказната, без оглед дали сте финансиски диркетор или шеф на одделот за информатичка технологија. Ако го немате тој момент и ако не ја кажете вистинската приказна со која луѓето ќе можат да разберат зошто тие мора да ги направат работите на одреден начин, тие ќе имаат отпор кон промените и работата ќе оди побавно.

Лидерите кои умеат да продаваат создаваат поголема додадена вредност

Секој лидер мора да умее да излезе надвор и да го прошири зборот за тоа што ја прави компанијата добра. Можеби продажбата не е стриктно прошишана во обврските на еден финансиски директор, оваа вештина секако ќе помогне компанијата да го прошири својот таргет. Ако можете да бидете личноста која ќе отиде на некој настан, конференција, вечера и да самоуверено да зборувате за бизнисот на компанијата пошироко од вашите работни обврски, тоа додава вредност на компанијата.

Лидерите кои умеат да продаваат ги привлекуваат најдобрите таленти Ако лидерот не умее да ја продаде визијата на компанијата на кандидатот за работа, малку е веројатно дека тој ќе биде возбуден и ќе сака да и се придружи на компанијата. Секоја лидер мора да биде способен да ја продаде компанијата и нејзините можности за напредок на телентираните кандидати за работа. Ако лидерите не умеат да ја продадат големата слика на вашата компанија, пропуштате многу таленти кои едноставно не можат да бидат привлечени од луѓе кои не умеат да продаваат.