Connect with us

свет

Се има, се може: Шведска и Финска со десетици милијарди евра ќе ги поддржат енергетските компании

објавено

на

Финска има намера да им понуди на компаниите 10 милијарди евра, а Шведска 250 милијарди шведски круни (околу 23 милијарди евра) гаранции.

Финска и Шведска објавија дека обезбедиле десетици милијарди евра гаранции за да им обезбедат ликвидност на електроенергетските компании во период на силен раст на цените на пазарите на електрична енергија. Финска има намера да им понуди на компаниите 10 милијарди евра, а Шведска 250 милијарди шведски круни (околу 23 милијарди евра) гаранции.

„Ситуацијата ги има сите елементи на Lehman Brothers во енергетската индустрија“, рече во неделата финскиот министер за економија Мика Линтила. Американската инвестициска банка Lehman Brothers беше четврта во тој сегмент во САД, а во септември 2008 година поднесе барање за банкрот со повеќе од 600 милијарди долари долг среде најголемата финансиска криза од берзанскиот крах  во 1930-тите.

„Програмата на Владата е последната опција за финансирање на компаниите на кои инаку би им се заканувала несолвентност“, рече финската премиерка Сана Марин на прес-конференција. Финската државна енергетска компанија Fortum  минатата недела ги повика нордиските регулатори да преземат итни мерки за да се спречи бранот банкротства во енергетскиот сектор.

Компанијата сега е задоволна  од предлозите на Хелсинки и Стокхолм. „Ние сме благодарни на финската и шведската влада што дејствуваа брзо за да го стабилизираат нордискиот енергетски пазар и да ги поддржат нордиските енергетски компании во криза“, објави компанијата на Твитер.

„Од клучно значење е компаниите да можат да продолжат да работат. Ние ги продолжуваме разговорите со финската влада“, додадоа тие. Владините гаранции треба да им обезбедат на компаниите доволно пари за се’ поголемите депозити што мора да ги имаат на нивната сметка на берзата Nasdaq Commodities за да можат да купуваат струја.

Нивниот колапс може да се прошири и на финансискиот сектор, објаснија Хелсинки и Стокхолм. Цените на струјата во терминските договори  на европските пазари нагло пораснаа поради намалените испораки на руски гас, па компаниите натрупуваат загуби на своите сметки на берзата и се принудени да платат уште поголем депозит.

Пропишаниот депозит на клирингот Nasdaq неодамна достигна 180 милијарди шведски круни (околу 17 милијарди евра), во споредба со околу 25 милијарди во нормални услови, поради 11 пати повисоките цени на електричната енергија.

Nasdaq clearing  е шведска компанија која е под надзор на шведските власти, па Шведска прва се вклучи во спречување на потенцијална криза. Финскиот премиер рече дека се потребни мерки на ниво на Европската унија за стабилизирање на фјучерс пазарите и енергетскиот пазар во целина.

Шведскиот министер за финансии Микаел Дамберг во неделата изјави дека гаранциите во Шведска ќе останат во сила до март следната година и ќе ги опфатат сите нордиски и балтички земји, но само во следните две недели. Без државни гаранции, производителите на електрична енергија во понеделник би можеле да завршат во „технички банкрот“, предупреди Дамберг.

свет5 часа ago

BlackRock, најголемиот инвестициски фонд во светот, менаџира средства колку економиите на Германија, В. Британија и Франција заедно

банки6 часа ago

ПроКредит Куманово на нова локација во строгиот центар на градот

македонија4 дена ago

@media: Иднината на пазарот за рекламирање

економија1 недела ago

Мукаетов за магазинот “The Region“: Нашите брендови се дел од секојдневието на луѓето

македонија1 недела ago

Универзитетот Американ Колеџ Скопје почна соработка со City College of New York од САД

банки1 недела ago

УНИБанка втора година по ред е поддржувач на најзначајната културна манифестација „Охридско лето“  

економија1 недела ago

Стимулирање на иновациите во Scalefocus: Како ги мотивираме ИТ професионалците да бидат иновативни

интервју2 недели ago

Гоце Сиваков:  Нашите клиенти веќе ги чувствуваат бенефитите од фактот дека УНИ Банка е дигитално и технолошки напредна банка!

економија2 недели ago

Стручна обука за општествена одговорност и прв „директорски појадок“ на Клубот на одговорни бизниси

економија2 недели ago

Мукаетов на насловна на престижниот романски магазин „Бизнис“: Романија е стратешки пазар за „Алкалоид“