Скапо ви е месото? Јадете штурци. Ланец супермаркети во В. Британија би понудил инсекти како евтин оброк

Во Алди постојано се во потрага по прехранбени производи што ќе имаат поприфатливи цени во време на висока инфлација и секојдневно поскапување на храната.

Од ланецот супермаркети Алди (Aldi) на британско ТВ шоу неодамна изјавиле дека разгледуваат можност да продаваат инсекти за јадење во блиска иднина. За време на епизода од Aldi’s Next Big Thing, шоу во коешто производители на храна се натпреваруваат со цел нивните продукти да се појават на полиците од маркетите, учество зеле и сопствениците на стартапот Yum Bug коишто одгледуваат и пакуваат инсекти што може да се јадат.

Во Алди постојано се во потрага по прехранбени производи што ќе имаат поприфатливи цени во време на висока инфлација и секојдневно поскапување на храната. Момците пак, од Yum Bug велат дека нивната мисија е да ја променат перцепцијата за инсектите како храна.

„Тие се едни од најодржливите извори на протеини на планетава. Штурците содржат во себе и до 70% протеини, што е три пати повеќе одошто во говедското месо. Тие исто така имаат повеќе железо одошто спанаќот, повеќе калциум од млекото, итн. Тие се неверојатна супер-храна“, велат од Yum Bug.

Арон Томас и Лео Тејлор, двајцата основачи на стартапот, експериментираат со рецепти користејќи инсекти веќе неколку години.

„Се’ почна во 2017-та кога почнавме да приготвуваме инсекти во гаражата на моите родители, и ги постиравме рецептите онлајн. За време на локдауните во пандемијата ги продадовме првите кутии со оброци од инсекти и оттаму тргна работата“, вели Тејлор.