Снежана Поповска, аналитичар: Дали е време за долги позиции и купување акции?

Врз основа на фундаменталната и техничка анализа, постојат низа докази кои ја подржуваат тезата дека можеме да очекуваме нови издигнувања и ценовни врвови кај акциите до крајот на годината.

Минатата недела Волстрит го имаше најлошиот ден во последните две години, после извештајот за стапката на инфлација за месец август. Берзата достигна критична точка. Берзанскиот индекс Dow Jones падна за 1.300 поени, S&P 500 падна за 4,3%, Nasdaq падна за 5,2%, додека крипто пазарот изгуби повеќе од 10% од својата вредност. Во следните неколку денови ќе знаеме дали порастот на берзанскиот индекс на акции S&P 500, што започна на 16-ти јуни,  ќе се претвори во нов нагорен тренд или тоа беше само корекција пред продолжување на надолниот тренд во кој превладуваат “мечките”.  Тоа што сега треба да следиме се две клучни нивоа на цени на S&P500, Dow Industrials и Transportation.

Врз основа на фундаменталната и техничка анализа, постојат низа докази кои ја подржуваат тезата дека можеме да очекуваме нови издигнувања и ценовни врвови кај акциите до крајот на годината.

Најпрво, во прилог на нашата анализа е податокот дека стапките на инфлација се’ уште паѓаат. Индексот на трошоците на живот во месец јуни се зголемија за 9,1%, во јули 8,5%, додека во август тие изнесуваат 8,3%.

Сметам дека реакцијата во вторникот беше претерана. Инвеститорите беа исплашени и продаваа во паника само поради тоа што податокот за стапката на инфлацијата не се намали колку што се очекуваше. Поточно, се намали за 20 базични поени, а не за очекуваните 40 базични поени. Берзата го доживеа најлошиот ден, само поради мали отстапувања на податоците, кои може да варираат од месец во месец, а тоа што треба да се следи е трендот на инфлацијата кој се’ уште е и најверојатно ќе продолжи за да ја забавува инфлацијата.

Тоа што е интересно и заслужува внимание е дека инфлацијата беше најмногу предводена од компонентата на трошоците за наемнина, додека останатите компоненти во месец август се намалија. Процентот на компонентите на индексот кои растат за повеќе од 4% на годишно ниво се намали за 200 базични поени во август. Дезинфлација имаше насекаде, освен на едно место – кириите и цените на домовите останаа многу високи и во месец август. Бидејќи овие трошоци заземаат огромен дел од буџетот на потрошувачите, значајно ја зголемија стапката на инфлација.

Позитивна вест е што кириите и цените на домовите во Америка почнаа да паѓаат. Според CoStar Group, за прв пат во 20 месеци, во месец август цени за изнајмување во САД се намалија. Зошто е ова важно? Понудените цени се водечки показател за реалните цени за изнајмување, што значи дека ако цени паднат за прв пат во август 2022 година, реалните трошоци за изнајмување најверојатно ќе почнат да опаѓаат во септември или октомври – кога ќе се објават следните податоци за стапката на инфлација.

Графиконот на берзанскиот индекс S&P 500 технички останува во нагорен тренд. $3900 е клучно ниво на поддршка кое го проби минатата недела, но пазарот затвори повисоко на крајот од денот и формираше hammer, кој ни кажува дека иако продавачите го предводеа пазарот за тој ден и ја буткаа цената пониско, во текот на денот таа улога ја превземаа купувачите кои успееја да ја зголемат цената и да затворат на повисока цена.  Овие ценовни формации кои се формираат на дното на трендот, обично се сигнал за пресврт на пазарот.  Ако се задржи ова ценовно ниво околу $3900, од тука може да очекуваме пораст на цената и придвижување нагоре.

Авторката е технички аналитичар, CMT, CFTe