Снежана Савиќ – Димовска е нов директор за корпоративни политики и одржливост во Пивара Скопје

Снежана се приклучи на Пивара Скопје во 2017-та година, а досега работеше на позицијата Директор на секторот за правни работи.

Снежана Савиќ – Димовска ќе биде нов директор на Секторот за корпоративни политики и одржливост во Пивара Скопје, соопштија денеска од компанијата. Таа доаѓа на местото на Ламбро Патче.

„Снежана се приклучи на Пивара Скопје во 2017-та година, а досега работеше на позицијата Директор на секторот за правни работи. Нејзин личен печат во работењето е водење на сите правни приоритети и проекти со висока продуктивност и меѓусекторска соработка. Нејзиното досегашно искуство и знаење ќе придонесат во нашите континуирани напори да ги зајакнеме односите со нашите соработници и да се осигуриме дека одржливоста и корпоративните практики се втемелени во вредностите кои колективно ги делиме.“, велат од Пивара Скопје.

Ова е втора промена во топ менаџерските позиции на Пивара Скопје во последниве месец и половина, откако на местото генерален директор дојде Душан Митрев, прв Македонец што ја води компанијата после две децении.