Connect with us

македонија

Српскиот онлајн трговец „Ananas” и официјално стана сопственик на македонските  брендови „Grouper” и „Paopao“

Нови аквизиции во е-commerce просторот

објавено

на

Еден од основачите и поранешна директорка на Grouper, Нина Ангеловска, којашто беше и министерка за финансии, ќе биде директорка за меѓународен развој во Ananas, сега веќе нов сопственик на Grouper.

Ananas e-commerce, платформа за онлајн купување со седиште во Србија, купи 100% сопственост во македонската компанија Vebspot од Payten. На овој начин Ananas стана сопственик на брендовите за онлајн шопинг Grouper.mk и Paopao.mk.

Намерата за купување на овие македонски брендови беше објавена  во средината на септември.

На македонскиот пазар, Grouper.mk е познат по бизнисот со продажба на ваучери за т.н. групни попусти, додека неодамна отворената веб-страница Paopao.mk е пазар за онлајн купување на производи. Аквизицијата  на Grouper, како водечки играч во е-трговијата на македонскиот пазар со речиси 300.000 корисници и 3.000 трговци, го претставува првиот чекор на Ananas кон регионалното проширување. Оваа аквизиција ќе му овозможи на Ananas брзо да навлезе на македонскиот пазар со воведувањето на новите концепти и новитети .

Инаку, Grouper лани во февруари  стана дел од полската групација Asseco SEE, односно нејзината компанија ќерка Payten. Еден од основачите и поранешна директорка на Grouper, Нина Ангеловска, којашто беше и министер за финансии во една од поранешните македонски влади, ќе биде директорка за меѓународен развој во Ananas, сега веќе нов сопственик на Grouper.

„После долгогодишно искуство, предизвици и менување на македонската е-трговија, прво со Grouper, а потоа и со Македонската асоцијација за е-трговија, со истата пасија како и до сега, се впуштам во нов предизвик наречен Ананас. Ако некој го има тоа што е потребно за да ја промениме е-трговијата на Балканот и да го донесеме онлјан купувањето кое е присутно на развиените пазари тоа е Ananas e-commerce! Ресурси, знаење, професионалци со кои ќе ми биде задоволство да работам, јасна визија и пасија која е клучна за успех.“, објави деновиве Ангеловска на социјалните мрежи.

Регионален е-шопинг гигант во најава

Marketplace Ananas е дел од корпорацијата Delta Holding со седиште во Белград. Првата трансакција  на оваа страница се случи во летото 2021 година, а денес Ananas на своите клиенти им нуди повеќе од 150.000 различни производи преку разгранета мрежа од над 200 партнери. За помалку од една година, Ananas.rs го посетија повеќе од милион клиенти. Со лансирањето на Ananas, компанијата Delta Holding ја објави својата амбиција да создаде регионален гигант во онлајн купувањето и подготвеноста да инвестира околу 100 милиони евра во овој проект во првите пет години.

„Пазарот во Македонија, клиентите, но и онлајн продавачите, со оваа аквизиција добиваат сигурен, лојален и долгорочен партнер, подготвен да инвестира во развојот на овој бизнис, но и во развојот на целата е-трговија во Македонија. Имаме план да го понудиме најголемиот пазар во оваа земја со широк асортиман на производи, сигурна и брза испорака, сигурно плаќање и многу иновативни решенија кои сега ги знаеме само на поразвиените пазари“, изјави Марко Царевиќ, извршен директор на Ананас за српскиот портал Bonitet.com.

На почетокот на нивниот бизнис, Ananas најави дека српскиот пазар е само почетна точка и дека амбицијата на акционерите и самата компанија е овој пазар да се појави на пазарите во регионот на Западен Балкан.

„Со репутацијата и силата на Делта Холдинг зад нас, но и со иновативниот бизнис модел што го донесе не само Ананас туку и неговите глобални партнери како што се Бостон Консалтинг Груп, ХТЕЦ и други, уверени сме дека ќе донесеме ново шопинг искуство на клиентите од целиот регион, а на продавачите доверливи партнери и место каде што можат да ги реализираат најамбициозните бизнис планови“, вели Марко Царевиќ.

банки23 часа ago

НЛБ Банка прогласена за „Банка на годината за 2022“ од The Banker

регион1 ден ago

Хрватска ИТ компанија е меѓу трите најдобри во Европа што излегле на берза лани

економија1 ден ago

Владата најави привремен данок на екстра профит за фирмите

економија2 дена ago

Ковачевски: Нема да се воведе прогресивно оданочување

регион2 дена ago

Тендерски повик за EU4Green

македонија3 дена ago

Фондацијата „Трајче Мукаетов“ додели 40 нови стипендии за учебната 2022/2023

економија3 дена ago

НЛБ го враќа лизингот во понудата, Lease&Go доаѓа на македонскиот пазар

македонија4 дена ago

In Memoriam: Почина неврохирургот д-р Јовица Угриновски

свет4 дена ago

Скапо ви е месото? Јадете штурци. Ланец супермаркети во В. Британија би понудил инсекти како евтин оброк

економија5 дена ago

Здружување на силите: А1 Македонија и Триглав нудат осигурување на домот со А1 Combo

економија5 дена ago

Истражување: кои се најпознати прехранбени брендови на македонскиот пазар?

банки5 дена ago

Од први јануари македонските банки добиваат конкуренција: и други компании ќе нудат платежни услуги

македонија5 дена ago

Отец Оливер Петровски – Маж на годината за 2022 во избор на социјалните медиуми

македонија5 дена ago

Вработените на dm дрогерие маркт, волонтери и институционални партнери пошумија 10 хектари земја

регион2 дена ago

Тендерски повик за EU4Green

македонија4 дена ago

In Memoriam: Почина неврохирургот д-р Јовица Угриновски

свет4 дена ago

Скапо ви е месото? Јадете штурци. Ланец супермаркети во В. Британија би понудил инсекти како евтин оброк

економија5 дена ago

Здружување на силите: А1 Македонија и Триглав нудат осигурување на домот со А1 Combo

македонија3 дена ago

Фондацијата „Трајче Мукаетов“ додели 40 нови стипендии за учебната 2022/2023

економија3 дена ago

НЛБ го враќа лизингот во понудата, Lease&Go доаѓа на македонскиот пазар