Студенти од Економскиот факултет-Скопје работеа на конкретни студии на случај со познат регионален бренд на чоколади

Во рамки на предметот Управување со маркетинг канали, под менторство на професорката Ежени Брзовска, студентите имаа можност да изработат стручни трудови за позиционираноста на маркетинг каналите на македонскиот пазар на брендот на чоколади Премиер од Србија.  

Студентите на Економскиот факултет при УКИМ – Скопје го демонстрираа својот креативен потенцијал при изработка на своите стручни трудови пред компанијата Art Ival од Белград, позната по Премиер чоколадните производи, кои се синоним за квалитет, присутни не само на полиците ширум Србија, туку на други странски пазари.

Во рамки на предметот Управување со маркетинг канали, под менторство на професорката Ежени Брзовска, студентите имаа можност да изработат стручни трудови за позиционираноста на маркетинг каналите на македонскиот пазар.  

“Ова претставува одлична можност каде студентите работат на конкретни студии на случај подржани од реномирани компании каде теоретските аспекти се надополнуваат со практична вредност преку реализација и решавање на конкретен предизвик” – изјави професор Брзовска. 

Целата активност беше континуирано поддржана и мотивирана од страна на Зорица Јoвановиќ, маркетинг директор на Премиер. Премиер чоколадите ги следат сите најнови трендови на пазарот и иновативната димензија е присутна во нејзината производна дејност надминувајќи ги очекувањата на потрошувачите. 

“Студентите успешно ги презентираа своите стручни трудови согласно насоките кои претходно заеднички ги координиравме. Ни претставуваше задоволство да ги поддржиме студентите на Економски факултет – Скопје. Морам исто така да споделам дека сум исклучително горда на ентузијазмот со кој ги работеа нивните задачи”, изјави Зорица Јовановиќ.