Твитер е скапа “играчка“, Илон Маск продаде уште акции од Тесла за 4 милијарди долари

Акционерите на Тесла почнаа да се грижат дека Твитер, кој што го чинеше Маск 44 милијарди долари, ќе му го одвлече фокусот од компанијата за електрични автомобили.

Илон Маск,  од неодамна нов сопственик на Твитер, продал акции од Тесла, компанијата што ја основаше и чијшто е директор, за четири милијарди долари. Околу 19,5 милиони акции има продадено од минатиот петок до вторникот оваа недела, според поднесоците што ги објави американската Комисија за хартии од вредност. Уделот на Маск во Тесла сега изнесува 14%, а нејзините акции годинава се паднати за преку 50%, заедно со многу други акции од технолошкиот сектор.

Но, вредноста на Тесла е исто така одраз и на низа претходни продажби со коишто Маск го финансираше всушност преземањето на Твитер вредно 44 милијарди долари. Тоа ги наведе акционерите да мислат дека Тесла би можела да излезе од фокусот на својот извршен директор,  сега кога има други преокупации. Како на пример, реорганизацијата на Твитер, каде што веднаш почна да дели откази, почнувајќи од највисоките менаџери.  

Многу аналитичари очекуваа дека Маск ќе продаде дополнителни акции на Тесла за да го финансира купувањето на Твитер. Таа вети дека ќе обезбеди 46,5 милијарди долари во капитал и позајмици, што ја покрива цената од 44 милијарди долари и трошоците за затворање на трансакцијата.

И покрај нервозата што го натера да се повлече од преговорите во мај, тој ја купи социјалната мрежа минатиот месец и оттогаш отпушти околу половина од нејзините работници и најави дека на корисниците ќе им наплатува 8 долари месечно за сината ознака  за автентичност на корисничките профили.