македонија
Тинекс: Ниту не’ купил некој, ниту преговараме за продажба

Од ТИНЕКС-МТ Дооел Скопје демантираат дека косовската компанија „Вива Фреш“ го купила ланецот маркети Тинекс за 90 милиони евра, како што беше објавено на косовски веб портал.
По објавената вест на порталот Shqipmedia на 20.9.2022 со наслов дека е постигнат договор за купопродажба на македонскиот ланец супермаркети „Тинекс“ од страна на косовската компанија „Вива Фреш“, компанијата Тинекс – МТ денеска испрати демант:
“Веста ја пренесоа многу македонски портали без да нè прашаат да ја потврдиме или демантираме и створија збунувачка атмосфера во јавноста, меѓу вработените и соработниците. Компанијата ТИНЕКС-МТ ДООЕЛ Скопје ја информира јавноста дека ниту Тинекс маркетите, ниту компанијата е во преговори со потенцијални купувачи а уште повеќе дека дошло и до договор за купопродажба. ТИНЕКС-МТ ДООЕЛ Скопје којa управува со Тинекс маркетите и понатаму останува со единствениот сопственик Владимир Тодоровиќ.“