Connect with us

свет

Трамп и Бајден го одржаа првиот предизборен дуел: беше жестоко и мачно за гледање

Претседателски избори во САД, 2020

објавено

на

Трамп агресивен, Бајден се обидуваше да не наседне на провокациите, но неколку пати ги загуби нервите; Бајден се огради од “демократскиот социјализам“, Трамп не се огради од белите расисти; Наводното скандалозно неплаќање на даноци од страна на Трамп поради претрпени загуби на неговите фирми, Бајден не успеа да го искористи како аргумент дека актуелниот американски претседател е всушност ужасен бизнисмен; Ковид – кризата се покажа како слаба точка на Трамп, пред сe’ поради катастрофално лошото справување на државата со пандемијата, но Бајден не понуди конкретни решенија како тој би изиграл. Сума сумарум, ова се клучните заклучоци од првата, од вкупно три предизборни дебати што се планирани помеѓу претседателот Доналд Трамп и претендентот за неговата фотелја, кандидатот на демократите, Џо Бајден.

Првата дебата помеѓу претседателските кандидати Доналд Трамп и Џозеф  Џо Бајден што се одржа во средата рано наутро по македонско време, помина во хаос, меѓусебни навреди и прекинувања, и е веројатно најлошата дебата во историјата на американските претседателски кампањи, е генералниот заклучок на медиумите во САД.

„Апсолутно грозна дебата“, беше насловот што CNN го распосла преку целата насловна страна на својот веб портал, а еден од нивните уредници, Крис Силиза, во првата анализа се обиде да ги сумира сите “погодоци и промашувања“, но во рубриката „погодоци“, вели, немал што да наведе.

„Ова беше апсолутна ужасна дебата која со ништо не придонесе јавноста да дознае нешто ново за двајцата кандидати и што би направил секој од нив во случај да го освои четиригодишниот мандат. Ова беше, без никакво сомневање, најлошата дебата што некогаш сум ја покривал во две децении колку што ја работам оваа работа.“, искоментира Силиза.

Fox News на својата веб страница дебатата ја проследи со наслов „Есенска пресметка: Првата дебата на Трамп и Бајден полна со огнени размени и навреди“. Нивниот аналитичар Хауард Курц во првиот коментар наведува дека соочувањето излезе од колосек и го спореди со тепачка во некоја крчма.

„Со оглед на степенот на поларизираност во општеството, малкумина после ова ги променија своите ставови освен ако кандидатите евентуално не ги оценувале според нивната пристојност. До суштината се доаѓаше само повремено, но повеќето време тоа беше вечер на дерење и бес, односно вечер на големи фрустрации“, пишува Курц.

New York Times во прв план го истакна подбивниот однос на Трамп кон Бајден и кон поедини теми на дебатата, а и овој медиум соочувањето го оценува како хаотично, поради што она што е суштинско не ни можело да дојде во прв план.

Нема победник, а губитници се 100 милиони Американци што ја гледаа дебатата

Иако оваа година на првата претседателска дебата нема победници, поразените се јасни како денот; повеќе од 100 милиони Американци го истрпеа ужасот  од едвај гледливата  програма преку нивните мали екрани.
Беа тоа 90 огнени минути  во коишто фрчеа напади ad hominem, какви што  поновата американска политика не памети. Новинарот на Fox News, Крис Вoлас, кој ја организираше претседателската дебата во шест тематски целини од по 15 минути, имаше неблагодарна задача да ги спречи страстите што вриеja, и коишто на самиот почеток ескалираа над границите на добриот вкус.

Иако оваа година на првата претседателска дебата нема победници, поразените се јасни како денот; повеќе од 100 милиони Американци го истрпеа ужасот  од едвај гледливата  програма преку нивните мали екрани.

Беа тоа 90 огнени минути  во коишто фрчеа напади ad hominem, какви што  поновата американска политика не памети.

Новинарот на Fox News, Крис Вoлас, кој ја организираше претседателската дебата во шест тематски целини од по 15 минути, имаше неблагодарна задача да ги спречи страстите што вриеja, и коишто на самиот почеток ескалираа над границите на добриот вкус.

Претседателот Доналд Трамп изгледаше дека за нијанса поуспешно се снаоѓа во дебатата, но поради постојаните упади во говорите на неговиот противкандидат Џо  Бајден, беше предупредуван во неколку наврати, поради што неговата тактика ја изгуби ефективноста.

Првите анкети покажаа дека гледачите со мало мнозинство веруваат дека Бајден е победник на дебатата. Но, вреди да се потсетиме дека Трамп беше „губитник“ на дебатата и во 2016 година, па тој сепак успеа да освои 270 електори колку што беше потребно за влез во Белата куќа. Прашањето од милион долари сега  е – дали дебатата ќе влијае на резултатот од претседателските избори? Тешко. Особено ако се земе предвид фактот дека до почетокот на синоќешната дебата, милион Американци веќе ја исполнија својата граѓанска должност, во оние држави што им нудат на регистрираните гласачи можност да гласаат порано. Сепак, анкетата на Reuters и Ipsos, спроведена меѓу 22 и 24 септември, покажува дека околу 17% од гласачите на Бајден и Трамп се подготвени да се премислат. Ним може да им се придружат и 9% од неопределените регистрирани гласачи, кои очигледно нема да дадат свое мислење до 2 ноември, ден пред изборите. Подолу извлекуваме пет заклучоци по првата претседателска дебата.

Модераторот не успеа да ја менаџира дебатата

Можеби беше наивно да се очекува еден водител, без оглед на неговите квалификации, самостојно да успее да ги спречи тензиите и личните напади на двајцата кандидати, но на Крис Волас едноставно тоа не му појде од рака, поради што дебатата беше на работ на гледливоста.

Очекувањата од Крис Валас беа дотолку  поголеми затоа што неговото неодамнешно интервју со Доналд Трамп одекна како бомба, бидејќи тој му ги коригираше неточните факти на претседателот за време на разговорот во живо.

Она што особено се издвојуваше од вообичаената пракса вечерта на 29 септември  е фактот дека модераторот во неколку наврати му ласкаше на сегашниот претседател, но со доза на повеќе од очигледна иронија.

„Господине претседателе, ќе бидете многу среќни затоа што сега преминуваме на вашата омилена тематска целина: ред и закон “, рече Волас, обидувајќи се да го спречи Трамп да го прекинува  својот ривал.

Бајден одолеваше  некако на провокациите, но успеа и да ги загуби нервите

Главната тактика на Доналд Трамп беше да го испровоцира Џо  Бајден. Интересно, оваа тактика во нормални околности најчесто ја избираат „предизвикувачите“, а не актуелни претседатели, со што Доналд Трамп го призна болниот факт: дека е свесен до кој степен заостанува зад својот противкандидат во предизборните анкети.

Тактиката на Бајден беше да се држи до фактите и да не биде жртва на провокациите на Трамп, што го  одработи горе – долу успешно.

Во неколку наврати, сепак, тој ги загуби нервите, па го нарече својот противник „кловн“, па дури и му рече да „ја затвори муцката“, поради што набргу му се извини.

Бајден се дистанцираше од „демократскиот социјализам“

Штабот на Трамп со недели го плаши својот електорат со „духот на демократскиот социјализам“ кој ѝ се заканува на Америка доколку победи левицата, па затоа требаше и да се очекува дека Бајден ќе се осврне на тоа.

„Јас сум Демократска партија и моментално ги избирам нејзините цели“, решително рече Бајден и реагираше кога Трамп се обиде да го поврзе планот за здравствена заштита на Бајден со Берни Сандерс.

„Факт е дека јас бев тој што го победи Берни Сандерс“, истакна  тој прее гледачите.

„Не многу уверливо“, одговори Трамп, на што Бајден ги потсети Американците дека освоил 2.600 делегати на прелиминарните избори во Демократската партија, двојно повеќе од неговиот главен ривал, демократскиот социјалист Берни Сандерс.

Даночната пријава на Трамп не беше „ѕвезда на вечерта“

Со оглед дека само 24 часа пред првата дебата беше објавен бомбастичниот напис на New York Times во којшто се откриваат наводни даночни затајувања на Трамп, се очекуваше прашањето за неговите даночни пријави да ја засени целата вечер.

На тоа во прилог му одеше и објавувањето на даночната картичка на Бајден непосредно пред официјалниот почеток на дебатата. Од апликацијата што ја поднесе во 2019 година, може да се види дека поранешниот потпретседател платил скоро 300.000 долари  федерални даноци само во 2019 година.

Но, тоа сепак не се случи. Барем не во очекуваната мерка.

Џо Бајден накратко ја спомна сумата од 750 долари, колку што  Трамп уплатил во федералната благајна  во 2017 година, но тој всушност не успеа да го „закопа“ Трамп со тој аргумент дека е лош бизнисмен.

Само неколку минути подоцна, модераторот Крис Волас исто така го праша Трамп колку точно даноци платил, а актуелниот претседател им рече на гледачите дека ‘плаќа милиони долари’.

Бајден, затоа, се определи за тактиката да се претстави себеси како „човек на народот“, осврнувајќи се на неговото растење  во Скрентон со кое сакаше да им се приближи  на белите работници од Пенсилванија; на оние кои им свртеа грб на демократите во 2016 година гласајќи за Трамп.

Слабата точка на  Трамп е Ковид – 19 кризата

На дебатата, уште еднаш беше потврдено дека катастрофалниот одговор на федералната влада на пандемијата на коронавирусот, кој досега однесе повеќе од 200.000 американски животи, е најголемата тежина за администрацијата на Трамп и сериозна закана за неговите шанси за реизбор.

Но, дури и во дебатната ноќ, неговиот ПР тим не подготви кохерентна стратегија за обвинувањата што навистина можеа да се очекуваат.

Бајден го потсети Трамп дека пред неколку месеци им предложи на Американците да пијат средства за дезинфекција, но американскиот претседател повтори дека станува збор за сарказам.

Поранешниот потпретседател го нападна  Трамп и поради неговиот скептицизам кон носење заштитни маски во јавноста, а се осврна и на партиските конвенции на Републиканската партија, на коишто симпатизерите на Трамп не ја почитуваат ниту физичката  дистанца.

Continue Reading
менаџмент / маркетинг4 часа ago

10 КОМУНИКАЦИСКИ ВЕШТИНИ КОИ МОРА ДА ГИ ВЛАДЕЕ СЕКОЈ БИЗНИСМЕН

менаџмент / маркетинг4 часа ago

ДЕЛЕГИРАЊЕ – КАКО ДА СЕ РЕШИТЕ ОД СТРАВОТ НА ГУБЕЊЕ МОЌ И КОНТРОЛА?

менаџмент / маркетинг4 часа ago

Дру Хјустон: Не секирајте се за неуспехот; само еднаш треба да ја погодите работава.

технологии / компании4 часа ago

Пандемијата го зголеми онлајн купувањето – кој доби, кој загуби и што повеќе нема да биде исто?

економија5 часа ago

ММФ: Справувањето со здравствената криза е клучно за заштита на економијата

економија5 часа ago

Намалување на енергетската зависност од еден извор и транзиција кон чистата енергија се клучните определби за Македонија

интервју5 часа ago

Николаос Цифакис: ЕУ ќе ја изгуби политичката моќ на Балканот!

економија5 часа ago

Планирана е вкупна инвестиција од 50 милиони евра за 5 години

економија5 часа ago

Големата слика: македонската економија на среден и долг рок

свет5 часа ago

Берзите продолжуваат да растат бавно

македонија5 дена ago

„Брако“ го создаде првото возило за чистење улици на водороден погон во Европа

македонија4 дена ago

Амбасадорката Брнс на МЕФ: САД ќе ѝ помогне на Северна Македонија да изгради посилен и понезависен енергетски сектор

македонија1 ден ago

Зоран Заев: Нашата држава почива на делата на антифашизмот чиј резултат е нашата слобода!

економија2 дена ago

Почна третата Годишна конференција за е-трговија

банки3 дена ago

Комерцијална банка донираше лаптопи на ученици од 14 општини

македонија4 дена ago

Директорката на МЕПСО, Шуклева: Во инвестициски циклус сме од 163 милиони евра

економија3 дена ago

„Брзи” и „евтини” кредити за скапа и отежната реализација на капитални проекти

банки1 ден ago

Доделени наградите од наградната игра „Шпаркирај нов автомобил!“

start up1 ден ago

Сто илјади евра финансиска поддршка за македонскиот стартап Elevate Global од страна на Бизнис акцелераторот УКИМ

интервју5 часа ago

Николаос Цифакис: ЕУ ќе ја изгуби политичката моќ на Балканот!