Трка за никел на светските берзи, цената порасна за повеќе од 100%

Цената на никелот се зголеми повеќе од двојно неделава, и се искачи на 100.000 долари за тон. Лондонската берза за метали (LME), најголемиот светски пазар за фјучерси и опции за метали, одлучи во еден момент да го прекине тргувањето. Што е позадината на приказната?

Макроекономските тензии и немирите придонесоа берзанските стоки да се тргуваат многу повисоко и сме сведоци на брзорастечки цени на нафтата, природниот гас, пченицата и пченката. Меѓутоа, ако треба да издвоиме една берзанска стока која привлекува најголемо внимание на пазарите оваа недела, никелот би бил лидер.

Зголемувањето на цената на никелот трговците ја припишуваат на дупката на пазарот на метали поради Русија (Русија произведува 17% од никел од врвна класа).

Цената на никелот се зголеми повеќе од двојно, и се искачи на 100.000 долари за тон.

Ова ценовно дејство ја поттикна Лондонската берза за метали (LME), најголемиот светски пазар за фјучерси и опции за метали, да го прекине тргувањето. Одлуката на LME да го прекине тргувањето е вистинската приказна овде.

LME престана да тргува затоа што трговците со берзански стоки тврдат дека LME, која е во сопственост на Hong Kong Exchanges and Clearing Ltd, требаше да ги заштити кинеските инвеститори кои беа со недостиг никел.

Tsingshan Holding Co., компанијата која е во центарот на вниманието во целиот овој хаос, наводно имала на хартија загуба од над 8 милијарди долари поради нејзиниот недостиг.

Берзата воведе „итни мерки“ кај голем број пазари за метали. Ова ни дава сигнали дека повторно се соочуваме со ситуација на берзите која не потсетува на тргувањето со акцијата на GameStop.

За да се зголеми бројот на паралели со Memestock Madness од 2021 година, LME наводно „ја откажа трговијата со никел“ што се одвиваше во период од осум часа. Извори со кои разговараше Wall Street Journal велат дека тие не биле во можност да ги продадат долгите позиции и дека не е јасно како тие ќе бидат запишани или затворени.

Откако тргувањето беше запрено, LME ја искористи можноста да ги расчисти своите книги од „значителни кратки позиции за да ја врати стабилноста на пазарот“. Сепак, консензусот е дека оние кои имале долги позиции и го поседувале никелот не биле во можност да го продадат, додека оние што отварале кратки позиции на металот биле спасени од берзата.

Со оглед на неодамнешниот извештај на Блумберг, се чини дека овие проблеми поврзани со металот нема ќе бидат решени наскоро. LME ја одложи физичката испорака на метали и исто така посочи дека „привремено ќе престане да ги објавува официјалните цени и цените на затварање на никелот“.

Кога пазарите повторно ќе се отворат, можеме сигурно да очекуваме дека ќе дојде до голем хаос и изненадувања.  Останува да го следиме пазарот и да видиме што следно ќе се случи.

Снежана Поповска
технички аналитичар