УНИБанка ќе прави  втора емисија перпетуални обврзници, во вредност од 2,5 милиони евра

Во јануари 2019 година УНИБанка ја издаде првата емисија на перпетуални обврзници во Македонија, што претставува прв финансиски инструмент од овој вид на македонскиот пазар на капитал.

УНИБанка АД Скопје известува дека од страна на Комисијата за хартии од вредност, издадено е Решение за давање одобрение за издавање на долгорочни хартии од вредност по пат на приватна понуда – втора емисија на 2.500 перпетуални обврзници со поединечна номинална вредност од 1.000 евра и вкупна номинална вредност од 2,5 милиони евра, односно 154.237.500 денари  пресметано по среден курс на НБРСМ, еден ден пред денот на донесување на Одлуката од Собрание за акционери.

Како потсетување, во јануари 2019 година УНИБанка ја издаде првата емисија на перпетуални обврзници во Македонија, што претставува прв финансиски инструмент од овој вид на македонскиот пазар на капитал.

Вкупната номинална вредност на емисијата изнесува 5 милиони евра. Обврзницата е без рок на доспевање,  со фиксна каматната стапка  од  9% на годишно ниво  за првите пет години, по завршување на овој период  каматната стапка  се зголемува на 11%. Номиналната вредност на обврзницата изнесува 1.000 евра. Перпетуалната обврзница е котирана и со истата може да се тргува на официјалниот пазар на Македонска берза.