Хејтери може да одморите, Новак е GOAT!

Нашиот народ вели: три пати мери, еднаш сечи. Од кај и да фатиме да мериме и сечеме во тенисот, исходот е тој – српскиот тенисер Новак Ѓоковиќ е најдобар на сите времиња (The Greatest of All Time). Наметната приказна дека само освоените гренд слемови се битни, која досега одеше во прилог на неговите хејтери и нивните пулени Федерер и Надал,  сега им се удри од глава на истите. Новак долго време имаше најмалку вакви титули од „големата тројка“, но сега по освојувањето на Ролан Гарос во неделата, го престигна и Надал, со 23 освоени пехари на најбитните светски турнири во тенис. И што правиме сега, Бен Ротенберг  и Пирс Морган? (веројатно најголемите критичари, читај: хејтери на Ѓоковиќ)  Каков ли сега тениски и нетениски „аргумент“ ќе дадете за да се девалвира успехот на Ноле? Ништо, ќе си гледате набрзо Вимблдон и ќе се надевате дека Новак нема да испише нови златни страници од својата тениска идила.