Connect with us

свет

Шефот на најголемата американска банка: Спремајте се за економски ураган!

објавено

на

Џејми Дајмон, директор на најголемата американска банка JPMorgan Chase, им кажал на група аналитичари и инвеститори деновиве дека наближува економски ураган. Две главни работи го загрижуваат најмногу: затегнувањето на монетарната политика од страна на Фед поради борба со инфлацијата, како и војната во Украина и поскапувањето на се’ живо што таа го предизвикува.

Шефот на најголемата американска банка JPMorgan Chase, Џејми Дајмон, вели дека ја подготвува својата организација за економски ураган што надоаѓа и ги советува инвеститорите да го сторат истото.

„Знаете, претходно реков дека наближуваат облаци со бура, но сега ќе се коригирам…доаѓа ураган“, Дајмон рече деновиве на финансиска конференција во Њујорк, како што пренесува CNBC.

“Подгответе се добро“, Дајмон им кажал на присутните аналитичари и инвеститори. „JPMorgan се подготвува и ќе бидеме многу конзервативни со нашите биланси.“

Почнувајќи минатата година со големите технолошки имиња коишто имаа повеќегодишен залет, акциите потонаа како што се подготвуваа инвеститорите за крајот на ерата на евтини пари, наметната од Федералните резерви на САД. Инфлацијата е на рекордни нивоа после три децении, предизвикана од намалената понуда на стоки поради нарушените синџири на снабдување, а монетарните мерки на американската централна банка ја плашат стручната јавност да не се втурне економијата во рецесија.

Акциите деновиве забележуваат извесно закрепнување после неколкунеделното стампедо затоа што инвеститорите имаат знаци на оптимизам околу справувањето со инфлацијата, но Дајмон како да ги урива надежите дека дното е допрено.

„Сега во моментов, изгледа како да е сончево, нештата одат фино, сите мислат дека Фед ќе може да се справат со ова. Но, ураганот е блиску, и доаѓа кон нас.“

Две клучни работи го загрижуваат Дајмон: прво, Федералните резерви сигнализираа дека ќе престанат со политиката на евтини пари и ќе ги “стопат“ своите биланси. Тоа значи дека ќе настапи политика на т.н. quantitative tightening (QT) или „квантитативно затегнување“, обратно од досегашната политика на „квантитативно олеснување“ (quantitative easing).  

Мерката треба да почне месецов и ќе достигне до 95 милијарди долари месечно преку намаленото поседување на обврзници од страна на централната банка. Претходно, Фед, како и многу централни банки во светот, имаа експанзивна монетарна политика  со цел да вбризгаат повеќе пари во финансискиот систем, овозможувајќи им на банките да даваат повеќе кредити со стимулирачки историски најниски каматни стапки.

Како се прави тоа? Централната банка буквално креира пари електронски и ги користи да купува хартии од вредност, најчесто државни обврзници на пазарот и така креира повеќе пари во економијата. Сега поради „прегреаната“ економија (пандемијата олабави, потрошувачката порасна, а стоки нема доволно поради нарушените глобални логистички синџири, војната во Украина, итн.) мора да се дестимулира потрошувачката преку затегнување, односно зголемување на каматните стапки и намалување на количините на пари во оптек.

“Не сме имале вакво квантитативно затегнување досега, што значи дека за ова ќе се пишува во книгите по историја за едно 50 години. Што се однесува до квантитативното олеснување, неколку негови аспекти ни се удрија од глава, како што се негативните каматни стапки, на пример, коишто беа огромна грешка“, истакна Дајмон на конференцијата во Њујорк.

Централните банки “немаат многу избор затоа што има премногу ликвидност во системот.“, додава извршниот директор на JPMorgan.

Другиот голем фактор што го загрижува Дајмон  e војната во Украина и нејзиното влијание врз цените на стоките, најбитно врз храната и енергенсите.

„Нафтата ќе оди нагоре со цените, а не се исклучени и 150, па и 175 долари за барел. А, ние не преземаме соодветни акции за да ја заштитиме Европа од најлошата енергетска криза досега, предизвикана од најстрашниот воен конфликт на континентот од Втората светска војна наваму.“

свет5 часа ago

BlackRock, најголемиот инвестициски фонд во светот, менаџира средства колку економиите на Германија, В. Британија и Франција заедно

банки5 часа ago

ПроКредит Куманово на нова локација во строгиот центар на градот

македонија4 дена ago

@media: Иднината на пазарот за рекламирање

економија1 недела ago

Мукаетов за магазинот “The Region“: Нашите брендови се дел од секојдневието на луѓето

македонија1 недела ago

Универзитетот Американ Колеџ Скопје почна соработка со City College of New York од САД

банки1 недела ago

УНИБанка втора година по ред е поддржувач на најзначајната културна манифестација „Охридско лето“  

економија1 недела ago

Стимулирање на иновациите во Scalefocus: Како ги мотивираме ИТ професионалците да бидат иновативни

интервју2 недели ago

Гоце Сиваков:  Нашите клиенти веќе ги чувствуваат бенефитите од фактот дека УНИ Банка е дигитално и технолошки напредна банка!

економија2 недели ago

Стручна обука за општествена одговорност и прв „директорски појадок“ на Клубот на одговорни бизниси

економија2 недели ago

Мукаетов на насловна на престижниот романски магазин „Бизнис“: Романија е стратешки пазар за „Алкалоид“