Connect with us

економија

Ѓорги Самарџиев, градинарски центар „Фоја“: Создадовме решение за многу поедноставна конструкција на кровни градини

објавено

на

Неколкугодишната идеја за инстант вегетативни модули за екстензивни кровни градини, благодарение на поддршката од Фондот за иновации и технолошки развој ФИТР, компанијата успеа да ја претвори во реалност. Во фаза на реализација е иновативниот индустриски дизајн со комерцијално име Семпервел, производ, за кого што сопственикот на „Фоја“, Ѓорги Самарџиев, вели дека има голем развоен потенцијал.

Градинарскиот центар ФОЈА е компанија со долгогодишно искуство во доменот на хортикултурата. Компанија која покрај градинарски центар, проектира, изведува и одржува најразлични пејзажни проекти од цветни корита, паркови до вертикални и  кровни градини. Создава креативни и рационални решенија за различни типови на градини. Ги следи светските трендови, активна е во земјава во едукација на граѓаните за потребата од зелена и чиста животна средина.

Неколкугодишната идеја за инстант вегетативни модули за екстензивни кровни градини, благодарение на поддршката од Фондот за иновации и технолошки развој ФИТР, компанијата успеа да ја претвори во реалност. Во фаза на реализација е иновативниот индустриски дизајн со комерцијално име Семпервел, производ, за кого што сопственикот на Фоја, Ѓорги Самарџиев, вели дека има голем развоен потенцијал.

-Како дојде до развој на Семпервел, што е всушност производот  и за кого е наменет?

Идејата дојде по искуствата во минатото при подигањето на екстензивни кровни градини, каде фазите на изведба се правеа одвоено. Прво се поставуваат дренажно акумулационите елементи, па се качува и поставува на супстрат и на крај се садат или постилаат готови ролни со перени (растенија). Со цел да го намалиме времето поминато на градилиште, да се намалат трошоците за реализација и други непредвидени трошоци, дојдовме на идеја сите три фази однапред да бидат направени во расадник.

Дренажно акумулационите елементи (еден вид гајбички) да бидат претходно исполнети со супстрат, посадени и одгледани до целосна покриеност на површината од растенијата – покривачи. Така подготвени од расадник се пакуваат на палета, се транспортираат до објектот и со едно качување одеднаш сите три фази се пренесуваат на кровот. Дизајнирани се лесно и цврсто да се спојуваат. Имаат можност да бидат поставени на систем за полевање. Отпорни се на предвидливо механичко оптоварување од движење и товар, како и на екстремно ниски и високи температури.

Овој начин на озеленување не е непознат во светот. Но е недоволно распространет, посебно на Балканот. Нашиот индустриски дизајн е уникатен, практичен, функционален и траен. На пазарот ќе се појави наесен оваа година. Наменет за мали и големи градини, едноставен е за монтажа. Глобалната идеја е екстензивните кровни градини да бидат физички, материјално и технички подостапни. Масовно да се проектираат и изведуваат, бидејќи ефектите од нив се многу корисни не само за сопствениците туку и за сите нас, за целата заедница.     

-Кои се предностите  за некој инвеститор на објект  да има ваков производ?

Да се надоврзам на претходниот одговор, целиме бенефитот првенствено и долгорочно да биде на инвеститорите и на општеството. Есенцијално наша е големата одговорност за да обезбедиме континуитет во квантитетот и квалитетот на производството. Иновативноста не застанува со овој производ, напротив планираме да следат неколку нови верзии. И следствено во тој функционален круг, духовното задоволство сигурно ќе биде неизмерно.     

-Последниве години тренд во светот е изработка на кровни градини. Колку е кај нас популарен овој концепт?

Трендот е присутен. Точно, но конвенционалните кровови далеку водат наспроти зелените. Причини има повеќе, најглавни засега се цената и достапноста, донекаде оправдано. Но гледајќи како трајно исчезнуваат зелените површини во нашите градови, како загадувањето, затоплувањето и нехуманото домување рапидно растат, неопходна е брза законска регулатива која ќе биде задолжителна минимална компензациска  мерка во таа насока. 

Искрено се гордеам со сите оние кои адаптирано или алтернативно одгледуваат зеленило во жардиниери или пак во големи саксии на терасите и крововите!  

-Што сенудите во вашиот градинарски центар?

Градинарскиот центар Фоја е место за пасионирани вљубеници  и    љубопитни  новајлии во градините, растенијата и убавите работи. Растенијата не се производ на стандардно пазарување. Благодарение на моите колеги со кои го делиме овој став, настојуваме сите посетители да ги пречекаме со топло добредојде, што подобро да се запознаеме со нивните услови и можности. Па потоа да ги советуваме и да им понудиме

решение или растение за нивните реални потреби.

Изборот на растенија и градинарски додатоци е голем, но желбата искрено да препорачаме е поголема. J  

-Која е тајната на убавите дворови?

Одгледувањето и одржувањето!

-Што би им порачале на сограѓаните?

Да го цениме и почитуваме зеленото богатство кое го поседуваме и кое пред нас многумина го оставиле. Грижливо да го негуваме и одгледуваме. Таму се темели `благословот` на младите паркови и идните пејзажи.  

Иако егзотичните и ретки растенија вообичаено пленат, еднакво да им се радуваме и на домашните. Столетните дрвја се непроценливо богатство.

Ако јас посадам дрвја за мене и моите, Вие за вас и вашите, тие за нив и нивните, не треба да ни биде гајле дали моите се ваши, вашите се нивни или пак нивните се мои. Зошто сите тие се за нас и за нашите деца !

Click to comment

Leave a Reply

Вашата адреса за е-пошта нема да биде објавена. Задолжителните полиња се означени со *

македонија1 ден ago

Продолжуваат заедничките хуманитарни активности на „Алкалоид“ и „Црвен крст“: Заедно можеме повеќе!

Фасхион4 дена ago

„Божиновски“ ексклузивно ги претстави новитетите на Брајтлинг

економија5 дена ago

ПроКредит Банка прави чекор напред во поддршка на малите и средните претпријатија – се одржа втората бизнис конференција „Дигитална еволуција“

економија6 дена ago

Фортонмка успешно реализира продажба на објект од 9,5 милиони евра на ЛИДЛ

коментари6 дена ago

Со АмЧам на тема…Балканската рута на трговија со фалсификувани производи

економија6 дена ago

КБ Публикум инвест станува КБ ИНВЕСТ, со доминантна сопственост на Комерцијална банка

економија1 недела ago

Мукаетов – панелист на конференцијата „Чувари на мудроста“ во организација на „Халк банка“

банки1 недела ago

Со голем настан Македонската шаховска федерација ќе одбележи еден век постоење на Светската шаховска федерација ФИДЕ

македонија2 недели ago

Комерцијална банка со поддршка за македонскиот фудбал и во наредните три години

банки2 недели ago

Прокредит банка со нова модерна филијала во Гостивар

коментари6 дена ago

Со АмЧам на тема…Балканската рута на трговија со фалсификувани производи

банки1 недела ago

Со голем настан Македонската шаховска федерација ќе одбележи еден век постоење на Светската шаховска федерација ФИДЕ

економија1 недела ago

Мукаетов – панелист на конференцијата „Чувари на мудроста“ во организација на „Халк банка“

економија6 дена ago

Фортонмка успешно реализира продажба на објект од 9,5 милиони евра на ЛИДЛ

економија6 дена ago

КБ Публикум инвест станува КБ ИНВЕСТ, со доминантна сопственост на Комерцијална банка

економија5 дена ago

ПроКредит Банка прави чекор напред во поддршка на малите и средните претпријатија – се одржа втората бизнис конференција „Дигитална еволуција“

македонија1 ден ago

Продолжуваат заедничките хуманитарни активности на „Алкалоид“ и „Црвен крст“: Заедно можеме повеќе!

Фасхион4 дена ago

„Божиновски“ ексклузивно ги претстави новитетите на Брајтлинг