Јан Коум: Правете една работа и правете ја добро

Јан Коум во јавноста е познат како основач и екс директор на мобилната апликација WhatsApp. Коум има еврејско потекло, роден е и израснат во мало село во близина на Киев, Украина. Во 1992 година, на 16 години заедно со неговата мајка и баба се преселува во Калифорнија, каде се запишува на Универзитетот Сан Хозе. Во 1997 година се вработува како инженер во Yahoo, а после неколку години аплицира, но не успева да се вработи во Facebook. Во 2009 година  ја основа мобилна апликација за пораки WhatsApp. Во 2014 година неговата апликација WhatsApp има 400 милиони корисници, а наскоро е купена од страна на Facebook за 19,3 милијарди долари. Денес важи за еден од најуспешните иноватори и компјутерски програмери во САД.

“Комуникацијата е во основата на нашето општество. Тоа е тоа што не прави луѓе”.

“Искуствата од младоста го обликуваат тоа што го правиме подоцна во животот”.

“Немав компјутер до 19 години, но затоа имав абакус”.

“Многу често луѓето стартуваат со многу добри идеи, но потоа не извршуваат. Така ја губат јасноста на својата визија. И завршуваат вртејќи се во круг”.

“Кога е вклучено рекламирањето, корисникот е обично производот кој се продава”.

 “Споредувањето на вкупно регистрирани корисници и активни корисници е како да споредувате Ferrari 250 GTO со скејтборд”.

“Лесно е да ја продадеш компанијата. Но, ако ги погледнете водечките компании денес како Facebook, Google или Twitter, тие не се продале. Тие се држат и градат добри понуди за корисниците”.

“Правете една работа, и правете ја добро”.

“Маркетингот и медиумите дигаат прашина. Таа прашина потоа во влегува во очи и не се фокусирате на производот”.