Извозот на странскиот пазар е одличен напредок во работењето и може да отвори пристап до нови идеи и искуства, но претприемачите често не се одлучуваат за тој чекор поради многу раширените заблуди. Еве некои од најчестите заблуди поврзани со извозот.

Добриот производ не познава граници. Со работењето надвор од границите на земјата се отвoраат нови можности, но многу бизнисмени не се сигурни дека имаат знаење и логистика. Најчесто не се во право. Еве зошто.

Извозот на странскиот пазар е одличен напредок во работењето и може да отвори пристап до нови идеи и искуства, но претприемачите често не се одлучуваат за тој чекор поради многу раширените заблуди. Еве некои од најчестите заблуди поврзани со извозот.

Заблуда 1: Извозот е комплициран

Процесот на извоз на прв поглед може да дејствува како многу сложен процес. Проблемите почнуваат уште со самата помисла на тоа како да се пронајдат неопходните информации, како да ги соберат потребните документи и кого да контактираат.
Всушност, пристапот до глобалниот пазар денес е полесен од било кога. Бројката од 2 милиони македонски потрошувачи е занемарлива во споредба со големината на потенцијалниот пазар надвор од границите на земјата.
Важно е добро да се провери извозниот потенцијал и да се има добар извозен план.

Заблуда 2: Конкуренцијата надвор е пресилна

Пазарот надвор од Македонија може да дејствува како гигантски во споредба со домашниот пазар. Заблуда е уверувањето дека конкуренцијата на странските пазари е пресилна. Со водење бизнис во странство можете да добиете вредно знаење за стратегиите на компаниите кои се ваши конкуренти, како на странските, така и на домашниот пазар.

Извозот на различни пазари, како што се соседните земји или ЕУ, понекогаш е помалку ризичeн од продажбата во Македонија. Да се соберат пари за стабилен бизнис и проширување на странските пазари може да биде голем предизвик. Затоа постои заблуда дека е речиси невозможно да се најдат финансиски извори за извоз. Но, потребите на извозниците полека, но сигурно, стануваат приоритет за финансиските институции и сега има широк спектар на производи кои се наменети за извозниците.

Заблуда 3: Мојата компанија е премала

Заблуда е дека една компанија мора да биде доволно голема за да успее на странските пазари. Добро е да се испита исплатливоста на извозот, но важно е да се знае дека во 2017 година микро и малите претпријатија учествувале со 81% од вкупниот број македонски извозници на стоки.

Покрај тоа, познато е дека помалите бизниси се пофлексибилни и побрзо се прилагодуваат на извозните предизвици.

Заблуда 4: Извозот е високо ризичен

Прифатено мислење е дека водењето на било каква компанија е ризично. Секој претприемач сака да го минимизира ризикот за да може посигурно да работи.
Токму ова може да се направи со квалитетно планирање и истражување.
Наплатата може да се осигура со посебна полиса за извозни побарувања.
Можете да избегнете разни измами преку проверка на референци за партнери користејќи ја вашата банка или преку преговарање за дел авансното плаќање ако станува збор за прва соработка или непознат деловен партнер.
Македонската банка за поддршка на развојот нуди и различни опции за осигурување на извозот, факторингот е се уште во рана фаза од развојот.

Заблуда 5: Мора течно да се владејат странски јазици

Вистина е дека за работење на странски пазари комуникацијата е исклучително важна. Познавањето на јазикот е многу важна работа, но основното познавање на англискиот јазик обично е доволно за почетници. Јазикот може да се научи во движење, а за тоа време логично е да се зајакнува работниот тим со лица со добро познавање на јазикот што се зборува на целниот пазар.
Во првите чекори за извоз на странски пазари, добро е да се фокусирате прво на соседните земји и Југоисточна Европа, така што комуникацијата може да се одвива полесно и на српско- хрватски јазик.

Заблуда 6: Документацијата за извоз е пресложена

Управувањето со секоја фирма изгледа стресно и сложено заради големиот обем на документација. Затоа, не треба да ве чудат заблудите дека документацијата за настап на странски пазари е покомплицирана.
Точно е дека за повеќето производи не е потребна посебна документација. Доволна е извозна дозвола која ќе ви биде потребна ако вашиот производ припаѓа на група на производи со трговски ограничувања.

Извозот е добар чекор напред за фирми кои ги процениле својот потенцијал и ги идентификувале подрачјата на кои им се потребни подобрувања. Но, секогаш имајте во предвид дека најважно во извозот е на пазарот да се понуди добар производи или услуга за кои постои побарувачка.