Автомобилски компании заинтересирани за инвестиции во охридскиот регион
Објавено на од во Економија
Градоначалникот на Охрид Константин Георгиески и генералниот менаџер на „Костал“ во Македонија и претседател на Асоцијацијата на странски компании со технолошко напредно производство, Виктор Мизо го посетија најголемиот глобален саем за автомобили „ИАА“, што се одржува во германскиот град Франкфурт, каде остварија средби со неколку глобални производители на компоненти за автомобилската индустрија, кои ја разгледуваат нашата држава и охридскиот регион како потенцијални локации за свои идни инвестиции.
охридЗа време на посетата, Георгиевски оствари средба со Андреас Костал, сопственик на компанијата „Костал“, која има фабрика во Охрид, на која присуствуваше и Мизо. На средбата се разговарало за растот на компанијата во земјава во текот на изминатите три години, за значењето на нејзиниот развој за локалната и регионалната економија, како и за условите за работа и можностите за вработување.
Исто така, била поздравена и соработката што компанијата ја има со Општина Охрид, а воедно се разговарало и за идните можности за соработка кои ќе придонесат, компанијата да ги реализира своите развојни и инвестициски планови во Охрид.
На изложбениот штанд на „Костал“, беа презентирани најновите технологии и лепезата на производи што компанијата им ги нуди на своите клиенти – производители на автомобили. Посебно била нагласена важноста на фабриката во Охрид, каде што се очекува забрзан раст на производството на најсофистицирани производи за електрични и премиум класи на возила.

Напишете коментар

Вашата адреса за е-пошта нема да биде објавена. Задолжителните полиња се означени со *

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

коментари и анализи
...Сите ние живееме во време, кога само идејата е капитал, сè друго е пари...
Најава
Регистрација

На вашата e-mail адреса ќе добиете лозинка за логирање на КАПИТАЛ.

Заборавена лозинка?

Внесете e-mail адреса или корисничко име со кое сте регистрирани на КАПИТАЛ.

×