Connect with us

банки

Citibank по грешка им исплатила речиси една милијарда долари на кредиторите на Revlon

објавено

на

Голема нервоза деновиве во американскиот банкарски гигант

Citibank тужи во моментов неколку финансиски корпорации коишто се кредитори на козметичката компанија Revlon, а чиишто исплати на кредитните обврски банката ги администрирала. Citibank по грешка им префрлила 900 милиони долари – многу повеќе одошто само месечните камати и сега си ги бара парите назад, но некои од кредиторите на Revlon не сакаат да ги вратат, затоа што компанијата е западната во криза поради пандемијата и има проблеми да го враќа кредитот.

Citibank има голем проблем, како што пишува CNN. Една од најголемите банкарски групации во светот со седиште во Њујорк, по грешка префрлила 175 милиони долари на сметката на инвестицискиот – хеџ фонд Brigade Capital Management, а фондот одбива да ги врати парите.
Банкарскиот гигант поднел и тужба пред њујоршкиот надлежен суд барајќи си ги средствата назад, за коишто е кажано дека се трансферирани поради „оперативна грешка“. До затворање на овој текст, најнова вест беше дека судот наредил замрзнување на тие 175 милиони долари до донесување на конечната пресуда.
Citibank во тужбата наведува дека намерата им била да префрлат 1,5 милиони долари како камата на кредитот што фондот ѝ го дал на козметичката компанија Revlon, којашто е во криза. Наместо тоа, банката му префрлила на Brigade Capital речиси 120 пати повеќе пари од своите резерви. Но, главоболката е уште поголема, затоа што банката исплатила по грешка дури 900 милиони долари и на други кредитори на Revlon.
Досега, околу половина од оваа сума Citibank успеала да ја поврати, но за останатите пари ќе води борба преку судовите и со други кредитори, коишто не сакаат да ги вратат парите, како што се HPS Investment Partners и Symphony Asset Management, коишто веќе од претходно пак, се судат со Revlon околу тактиките на козметичката фирма за реструктурирање на нејзиниот долг кон нив.

Citibank, којашто ја има функцијата на административен агент на кредитот на Revlon, во тужбата наведува дека фондот одбива да ги врати парите.
„Brigade неосновано тврди дека Citibank всушност со трансакцијата го исплатила целиот износ на кредитот“, навела банката во тужбата.
За да го поткрепи ова тврдење, банката приложила и порака наводно испратена од страна на Brigade Capital која вели дека „не е воопшто јасно дека парите биле префрлени како резултат на грешка на некој службеник“.

Brigade: Како може по грешка да префрлат речиси една милијарда долари?!

Од Citibank велат дека постапката на фондот е неразумна и бараат од судот да го присили да ги врати парите.
“Секаква друга одлука ќе ја загрози стабилноста на банкарскиот систем и ќе ги награди оние што сакаат да профитираат од грешките во редовното работење“, вели банката во жалбата. Оттаму велат и дека веднаш ја воочиле грешката и се обиделе да преземат соодветно дејство со цел да си ги повратат средствата.

Од Brigade пак велат дека на кредиторите законски им следи секој цент што од Citibank го добиле во име на Revlon, како и дека не можеле да знаат оти исплатата била по грешка.
„Citi не ни укажа веднаш дека е грешка во трансферот на парите, туку еден ден подоцна. Во самиот трансфер не се забележуваше грешка, затоа што сумите беа точно толкави колку што е главницата плус каматата. Просто е неверојатно како таква софистицирана институција како Citibank може да трансферира речиси една милијарда долари, во точната сума на достасаните обврски од кредитниот договор од 2016 година, и тоа по грешка“, објаснувале од Brigade Capital пред судот.

Кривична одговорност доколку трошите пари што по грешка стигнале на вашата сметка

Неочекуваните приливи на пари во принцип не значат среќа за обичните Американци, затоа што банките вообичаено си ги бараат назад парите што по грешка ги префрлиле на нечија сметка. Во зависност од регулативата на сојузните држави, клиентите може да се соочат со кривично гонење доколку ги трошат парите што им се по грешка префрлени. Минатата година во Пенсилванија, брачната двојка Роберт и Тифани Вилијамс се соочија со кривични пријави за измама и кражба откако потрошиле 120 илјади долари што нивната банка им ги префрлила по грешка на нивната сметка.
Инаку, во 2016 година американската козметичка куќа Revlon ја купи Elizabeth Arden, уште еден голем американски козметички бренд, за 1,8 милијарди долари – зделка што беше финансирана преку кредити, во коишто учествува и Brigade Capital. Според договорот за кредитот, Citibank ги прибира уплатите на ануитетите од Revlon, што потоа им ги префрла на кредиторите.
Козметичките брендови претрпеа сериозни загуби за време на корона пандемијата, затоа што луѓето долго време седеа затворени дома и трошеа помалку на шминка и сл. Акциите на Revlon од 27 долари во октомври лани, паднаа на 7,7 долари деновиве.
Во својата жалба, Citibank наведува дека Brigade Capital немал никаква причина да очекува толкава исплата од Revlon.
„Практично нема компанија, а особено не од типот на Revlon, која што се соочува со финансиски тешкотии поради пандемијата, што одеднаш ќе исплати толкава сума на кредитор.“, велат од Citibank.

Continue Reading
економија2 дена ago

Излегоа финансиските биланси: хотелските компании со приходи помали и за 90% лани

технологии / компании3 дена ago

ЕЦГалерт – „доктор во вашиот џеб“ и Глуко – мерење на шеќер во крвта без боцкање

коментари4 дена ago

Марјан Петрески: Дивиденда, два слоја и ровер

интервју4 дена ago

Суат Инан: И покрај пандемијата, со нашата силна структура и иновативни пристапи во 2020 година постигнавме раст од 57%

коментари4 дена ago

Благојче Котески: Нашата иднина и енергетиката

политика4 дена ago

Столб на срамот, наместо на демократијата

банки5 дена ago

Потрошувачки и станбен кредит од Комерцијална банка со најниски каматни стапки на пазарот

македонија5 дена ago

Дојрански рецепт за мултиплицирање на буџетот

свет6 дена ago

Биткоинманија: Треба да имате стомак за оваа работа

економија6 дена ago

Антикризни мерки за збогум на корона – кризата

економија7 дена ago

Алкалоид со поголеми приходи и добивка лани: компанијата стигна до 200 милиони евра вкупен обрт

економија7 дена ago

Адора и официјално го претстави првиот градежен проект во Србија

интервју4 дена ago

Суат Инан: И покрај пандемијата, со нашата силна структура и иновативни пристапи во 2020 година постигнавме раст од 57%

македонија5 дена ago

Дојрански рецепт за мултиплицирање на буџетот

коментари4 дена ago

Марјан Петрески: Дивиденда, два слоја и ровер

технологии / компании3 дена ago

ЕЦГалерт – „доктор во вашиот џеб“ и Глуко – мерење на шеќер во крвта без боцкање

коментари4 дена ago

Благојче Котески: Нашата иднина и енергетиката

интервју6 дена ago

Фатмир Бесими: Корона – кризата завршува дури и според песимистичкото сценарио

политика4 дена ago

Столб на срамот, наместо на демократијата

коментари6 дена ago

Александар Стамболиев: Акцелераторите се срцето и фокусот на иновативните екосистеми