Европскиот Парламент го поддржа стартот на преговори за Македонија во јуни 2019
Објавено на од во МКД-БИЗНИС И ПОЛИТИКА

EPНацрт-извештајот на Европскиот Парламент за Македонија дава полна поддршка за почетокот на преговорите со ЕУ во јуни 2019. За извештајот ЕП ќе гласа во ноември.

„ЕП целосно ја поддржува препораката на Европската Комисија и одлуката на Советот да се одреди јуни 2019 како датум за старт на преговори како признание за охрабрувачките реформски напори, смета дека брзо отворање на скрининг процесот и на пристапните преговори ќе го оддржи и продлабочи реформскиот момент, смета дека отворањето на преговорите би донело дополнителен поттик за демократизација, и би ги зајакнало надзорот и отчетноста“, стои во нацрт-извештајот на Европскиот Парламент за Македонија.
Во Извештајот, кој го пишуваше известувачот за Македонија Иво Вајгл, се поздравуваат договорите за добрососедство со Грција и Бугарија, и се повикуваат властите да ги информираат своите граѓани за содржината и импликациите на договорот со Грција, како и совесно да ги исполнат сите внатрешни процедури за ратификација и имплементација на договорот.
Како и во извештајот на Европската Комисија, и одлуката на Советот за старт на преговори, најголемите критики се однесуваат на владеењето на правото во Македонија.
Извештајот потсетува дека корупцијата во земјата останува распространета и бара одржливи резултати за случаите поврзани за висока корупција и организиран криминал, и ја поздравува работата на СЈО во “тешки услови“.
ЕП очекува и отчетност во однос на прислушуваните разговори и бара од Собранието да ги заокружи реформите на разузнавачките служби и да обезбеди соодветен надзор врз нив.
ЕП го поздрави носењето на законот за јазици, но упати критики за тактиките кои имаа за цел да го поткопаат носењето на законот во согласност со процедурите.
Извештајот оценува дека подобрувањата во медиумската сфера и независното известување се скромни, но го поздрави укинувањето на владините рекламирања во медиумите како важна мерка.

„ЕП повикува на дополнителни заштитни мерки против партизација на медиумите, ја истакнува потребата да се зајакне независноста и капацитетите на медиумскиот регулатор и јавниот сервис, повикува на мерки за зголемување на заштитата на работничките и социјални права на новинарите“, стои во Iзвештајот.
Европскиот Парламент бара и да има истраги за заканите и заплашувањата на новинарите и осудува секаков вид на говор на омраза и популистичка реторика.
Европските пратеници за овој извештај прво ќе гласаат на ниво на комитет на почетокот на ноември, а на пленарна сесија во ноември.

Напишете коментар

Вашата адреса за е-пошта нема да биде објавена. Задолжителните полиња се означени со *

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

коментари и анализи
...Сите ние живееме во време, кога само идејата е капитал, сè друго е пари...
Најава
Регистрација

На вашата e-mail адреса ќе добиете лозинка за логирање на КАПИТАЛ.

Заборавена лозинка?

Внесете e-mail адреса или корисничко име со кое сте регистрирани на КАПИТАЛ.

×