Хан: Решение за името ќе биде пресврт за пристапниот процес за Македонија
Објавено на од во МКД-БИЗНИС И ПОЛИТИКА

Еврокомесарот за проширување Јоханес Хан, на својот Tвитер профил порача дека Европската унија е охрабрена од последната рунда преговори помеѓу Скопје и Атина за спорот за името.

Хан, кој присуствуваше на неформалниот појадок организиран од Бугарија и Австрија со министерот Никола Димитров и европските министри за надворешни работи утрово во Брисел, на Твитер порача дека состанок бил „плоден“ и дека сите упатиле поддршка за преговарачкиот процес.

„Консензусот е дека решение за името ќе биде пресврт за следните чекори во пристапниот процес за Македонија“, напиша Хан.

Дипломатски извори за МИА откриваат детали од средбата утрово. Министерот Димитров ја отворил со воведен говор за напредокот на преговорите со Грција каде ги упатил истите пораки како и оние во јавноста: дека е постигната рамка за решение и дека експертски групи во двете земји го чешлаат текстот во Атина денеска. Ги брифирал и за текот на реформите кои ги бара ЕУ. Тој на министрите им порачал дека ова се „историски моменти за мојата држава“.

„Кога започнавме имавме значителни разлики, но како што напредуваме во процесот имам впечаток дека сѐ повеќе сме на иста страна“, изјавил Димитров.

Министерот потоа настапил со список на реформи и напори кои ги направила Македонија во последните години од судските реформи, борбата против корупцијата, дијалогот со опозицијата, ослободувањето на медиумската сфера, како и подобрувањето на добрососедските односи.

Тој од земјите членки побарал да ѝ помогнат на Македонија со тоа што ќе ѝ дадат старт на преговори.

Напишете коментар

Вашата адреса за е-пошта нема да биде објавена. Задолжителните полиња се означени со *

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

коментари и анализи
...Сите ние живееме во време, кога само идејата е капитал, сè друго е пари...
Најава
Регистрација

На вашата e-mail адреса ќе добиете лозинка за логирање на КАПИТАЛ.

Заборавена лозинка?

Внесете e-mail адреса или корисничко име со кое сте регистрирани на КАПИТАЛ.

×