Како се освојуваат “оскарите“ за адвертајзинг?
Објавено на од во луѓе и компании

Kan-festivalМакедонски креативци со светски награди

“Sea Hero Quest” – мобилната игра на Дојче Телеком која што годинава освои девет “лавови“ на најпрестижниот фестивал на рекламната индустрија во светот “Cannes Lions” – својот зачеток го има во Скопје: идеен творец на играта е македонскиот огранок на светската адвертајзинг агенција  Saatchi & Saatchi. И што е уште поважно – ова не е прв глобален успех на македонски креативци: досега и агенциите Меккен Скопје и Њу Момент освоија кански награди за кампањи што ги изработиле. Од прва рака ви пренесуваме како се спремаат кампањи што освојуваат “оскари“ во адвертајзинг индустријата.

 

Деменцијата, односно Алцхајмеровата болест како најчест нејзин облик, предизвикува губење на меморијата кај луѓето. Ги напаѓа најчесто постарите, со тоа што го прави нивниот живот многу потежок, а и животот на тие околу нив. Најтажното е што луѓето со деменција на моменти не се сеќаваат ниту на своите најблиски, уште помалку пак на случки од поблиското и подалечното минато – ги губат своите сеќавања на сите убави и помалку убави моменти од нивниот живот.

Дојче Телеком (Deutsche Telekom)  пред неколку недели направи светска промоција  на “Sea Hero Quest“, играта за мобилни телефони која што во позадина има многу благородна мисија: да помогне во борбата токму против деменцијата.
Секој што ја играл до сега играта – а направени се преку 1,6 милиони даунлодирања досега на светско ниво – односно управувал со бротчето во авантуристичката мисија, до тим научници испраќа драгоцени податоци  за сопственото ориентирање во просторот, способноста за навигација, рефлекси и сл., до цел тим на истражувачи на деменцијата.

Во моментов, во светот над 47 милиони лица живеат со деменција, а се проценува дека овој број ќе порасне на 135 милиони до 2050 година. За многу лица коишто живеат со деменција, еден од првите симптоми е губењето на просторна ориентација, бидејќи ја губат способноста да се ориентираат дури и на добро познати места и средини.  Креирањето глобален стандард со „Sea Hero Quest“ за тоа како се ориентираме е широко признаено како еден од клучните чекори кон развивањето нови дијагностички тестови за болестите коишто предизвикуваат деменција. Со помош на играта сега ќе можат да се проучуваат огромен број на информации за однесувањето на здравите луѓе, што може да доведат до напредок во проучувањето на факторите што влијаат врз појава на деменцијата.
Секои 2 минути поминати во  играње на апликацијата заменуваат 5 часа конвенционално истражување. Ако досега, научниците правеле испитувања базирани врз фокус групи од најмногу 500-600 луѓе, сега за многу покусо време имаат пристап до податоци собрани од милиони консументи на играта.

Значењето на “Sea Hero Quest” беше препознаено на глобално ниво и овој проект доби дури девет награди на овогодинешниот Меѓународен фестивал на креативноста Cannes Lions – најпрестижниот настан во рекламната индустрија. Дојче Телеком и агенцијата Saatchi & Saatchi добија еден златен, пет сребрени и три бронзени Лавови за „Sea Hero Quest“.

Publicis“Good game”

И јавноста во Македонија  се запозна со играта, има веќе неколку десетици илјади даунлодирања, но она што помалку се знае е дека зад идејата за “Sea Hero Quest“ стои македонски тим – креативците од македонската канцеларија на Саачи и Саачи (Saatchi&Saatchi), дел од глобалната комуникациска мрежа на Публицис (Publicis)која веќе подолго време го има Дојче Телеком за свој клиент.

“Наградите во Кан се само уште една потврда дека не е битно дали креативниот тим е од мала или голема земја, туку битен е квалитетот на идејата, тимската работа, синергијата што постои помеѓу нас во Македонија и глобалните партнери од мрежата на Публицис. Ние долго време живеевме со овој проект, знаевме дека по многу нешта е посебен, но сепак толкав број награди не може да те остават рамнодушен. Чувството е фантастично, но уште побитно за нас е што ‘Sea Hero Quest’ навистина ќе направи нешто големо за целата планета и дека нашиот клиент Дојче Телеком ја оправдува улогата на компанија која што не само што испорачува врвна услуга и бенефит за корисниците, туку сака сериозно да помага во решавање на глобални проблеми со многу посуштинско и поголемо значење од самиот бизнис“, истакнува Александра Дилевска, директорка на Публицис Македонија.

А, како се случува целата приказна: Дојче Телеком на почетокот од минатата година излегол со т.н. бриф, повик до дваесетина комуникациски агенции во мрежата на Публицис глобално, меѓу кои и Саачи и Саачи во Скопје, каде што било нотирано дека сакаат да се смисли некаква кампања што ќе ја покаже моќта на телекомуникациската мрежа на компанијата, односно нејзиното главно мото – споделување на моменти.

“Споделувањето, за волја на вистината, доби помалку тривијално значење во секојдневието – сите ние постојано споделуваме селфија, слики, видеа и сл., но намерата на Дојче Телеком беше да излезе со идеја – тие не н$ ограничија во предлозите – нешто многу поголемо по општествено значење, досега невидено, што ќе ја истакне суштината на споделувањето. После неколку бреинсторминг сесии ние од Скопје излеговме со предлог за мобилна игра која што ќе помага во решавање на некој глобален проблем, и ја крстивме ‘Good game’. На пример, дојдовме до податок дека луѓето од цел свет неделно трошат три милијарди часови за играње игри на мобилен телефон.Си рековме, што ако само еден минорен процент од ова време се потроши за некоја добра цел. Оваа идеја на крајот влезе во потесниот круг за избор од страна на Дојче Телеком“, ни раскажаВасилије Ќорлука, креативен директор на Саачи и Саачи –Скопје.

Откако се стеснил кругот на идеи, тимот од Скопје под водство на Џејсон Ромејко, глобалниот креативен директор на Саачи и Саачи работеле на конкретизација на “Good game” – и на крајот решиле да се креира игра која што ќе помогне во борба против деменцијата.

“Овде во Македонија и претходно работевме една кампања за зголемување на свеста за Алцхајмеровата болест, имавме искуство со оваа проблематика, а од друга страна, идејата да се помогне во борба против деменцијата која всушност ги брише сеќавањата на луѓето, совршено се поклопува со мотото на Дојче Телеком: ‘сподели сеќавања’. Откако ја искристализиравме првичната идеја и ја претставивме пред клиентот, таа доби одобрување од менаџментот на Дојче Телеком, односно беше избрана за победник. “, вели Ќорлука.

Спојување на голем бренд, научна заедница и гејминг индустрија

Откако било решено што ќе биде кампањата на Дојче Телеком, следел главниот дел: да се креира играта. Бил вклучен тим врвни научници од институции како Универзитетот во Лондон, Универзитетот на Источна Англија, добротворната организација Alzheimer’s Research, кои што на развивачите на играта, англиското софтверско студио Glitcher требало да му дадат информации што всушност треба да содржи играта за да ја оствари својата цел, инпут за тоа кои параметри се потребни за анализа што ќе помогне во откривање на причините за деменција. Нашите соговорници велат дека голем предизвик било да се спојат три ентитети: голем светски бренд, научна заедница и гејминг индустрија. После десетина месеци координирано работење, играта била готова и на 4 мај годинава претставена пред светската јавност. Вкупното време поминато во играње досега од милионите корисници изнесува 30 години, при што се генерирани податоци за коишто би биле потребни повеќе од 4.500 години при слично лабораториско истражување. Сите оние кои од Македонија ја играа “Sea Hero Quest”, до сега обезбедија податоци за кои би биле потребни испитувања од 163 години.

“Сега, додека играта добива десетици илјадници нови корисници секој ден, научниците добиваат с$ поголемо и поголемо количество на драгоцени податоци што ги класифицираат во соодветни демографски категории: раса, локација на живеење, возраст, пол… До крајот на годинава веројатно ќе се собираат податоците, и потоа ќе следува нивна анализа со помош на супер – компјутери  и следната година ќе се излезе со првичните заклучоци. Во перспектива, идејата е врз основа на сето ова да се креира алатка која што ќе може да ја дијагностицира деменцијата во почетните фази“, објаснува директорката на Публицис Македонија, Александра Дилевска.

Од Публицис велат дека за нив следен предизвик е да направат проекти од овој тип со локални клиенти во земјава.

“Вакви проекти имаат големо влијание врз општеството, остануваат долго време во свеста на луѓето и помагаат за добра цел. Во Македонија има креативен потенцијал, има добри дигитални ресурси, и многу можности да се прават слични проекти на Sea Hero Quest. Умешноста на еден бренд да ги мотивира и ангажира луѓето да помогнат во остварување на некоја цивилизациска придобивка е она што ќе ги одвојува силните од слабите брендови, односно нивната способност да создадат уникатна додадена вредност“, смета Василије Ќорлука.


Nagradi-Telekom
Џејсон Ромејко (Saatchi & Saatchi), Проф. др.Мајкл Хорнбергер (University of East Anglia) и Ханс-КристијанШвинген (Deutsche Telekom) со членка на жирито, на доделувањето на наградите  за Sea Hero Quest.

Награди коишто Sea Hero Quest ги освои на Меѓународниот фестивал на креативноста Cannes Lions:

  •  Gold Lion Promo & Activation: Use of Mobile
  • Silver Lion Promo & Activation: Commercial Public Services
  • Silver Lion Health: Education & Services
  • Silver Lion Pharma: HCP Devices & Diagnostic
  • Silver Lion Direct: Use of Data
  • Silver Lion Cyber: Innovative Use of Social & Community
  • Bronze Lion Mobile: App Games
  • Bronze Lion Mobile: Social Gaming & Competition
  • Bronze Lion Entertainment: Innovation in Branded Games

MekKen-nagradi

Златниот лав во Кан, заедно со уште неколку врвни награди што во 2009-та Меккен Скопје ги освои за кампањата “Провери ги“.

Кампањата за машко здравје не го остави рамнодушно жирито

Првиот кански Златен лав во Македонија
го донесе Меккен Скопје

Агенцијата Меккен Скопје (McCann)  во 2009 година прва на Македонија ѝ ја донесе наградата Златен лав од Канскиот фестивал на рекламната индустрија – Cannes Lions. Меккен Скопје која е дел од регионалниот комуникациски систем I&F McCann Grupa, Златниот лав го доби во категоријата “Најдобра употреба на амбиетални медиуми“ за кампањата “Провери ги“ која имаше за цел подигање за свеста кај мажите за опасноста од ракот на тестиси.  Меккен Скопје го доби високото признание во конкуренција од преку 140 кампањи во истата категорија, пристигнати од цел свет.

Mekken-tim-1

Срѓан Шапер, основачот на McCann Grupa (лево), Владимир Димовски и Ивица Спасовски од Меккен Скопје со Златниот лав во Кан, 2009-та

Кампањата ‘‘Провери ги!‘‘ ги освои речиси сите престижни награди во различни категории: влез во листата на најдобрите во категорија за најдобри кампањи, награда за најдобра кампања (надвор од официјалното натпреварување) избрана од страна од учесниците на Фестивалот Golden drum, во Порторож, Злато на Фестивалот Golden hammer во категорија ‘‘Најдобра употреба на герила маркетинг‘‘ и Злато за креативност на Медиумскиот Фестивал во Валенсија, Њујоршкиот фестивал Cresta и др.

Ивица Спасовски, креативниот директор на Меккен Скопје вели дека иако имаат многу награди, нивниот тим секогаш го интересираат “невозможни мисии“ бидејќи тогаш успехот е уште посладок.

“За првпат донесовме еден голем Златен лав во Македонија и SEMPL награда за дигитални комуникации, која е исто така прва за Македонија, потоа Golden Drum награда, Montreaux и др. Инспирација за уште повеќе наоѓаме во новите предизвици кои се одлика на нашето работење. И секако, во љубовта кон нашата работа“, вели Спасовски.

Владимир Димовски, во времето на добивањето на наградата директор на Меккен Скопје, а сега главен оперативен директор на Меккен Адриатик, во интервјуто за Капитал во 2012 година, меѓу другото  рече и  дека канската награда беше само финалната потврда, претходно победничката кампања освои многу злата на други фестивали.

“Но, и покрај тоа морам да кажам дека Канската награда нè изненади, сепак Канскиот фестивал е најценетиот, само најдобрите успеале таму. Докажавме дека Македонија може не само да се носи рамо до рамо со светските имиња, туку и да биде најдобра меѓу најдобрите. Нашата цел е да работиме според светски стандарди, а оваа награда тоа и го потврдува. Треба да запомниме дека големите идеи се секогаш едноставни. “, изјави тогаш Димовски за Капитал.


 

new-momentСпотот за меѓуверска  толеранција донесе уште еден канска награда во Македонија

Њу Момент освои титаниумски лав за
“Ден на заедничка молитва“

Уште една од водечките македонски адвертајзинг агенции, Њу Момент (New Moment) има добиено награда на Меѓународниот  фестивал на креативноста Cannes Lions. Спотот симболично наречен „10 метри одвоени – Ден на заедничка молитва“, доби “лав“ во категоријата „Титаниум – интегрирана кампања“ во 2013 година. Ова е првпат награда во оваа категорија  од Канскиот фестивал да биде доделена на некоја држава од Балканот.

Маркетиншкиот „Оскар“, односно „Канскиот лав“, во Скопје го донесоа Сашо Пешев, генерален директор и партнер на агенцијата и Душан Дракалски, регионалниот креативен директор на „Њу момент“, коишто се качија на победничката сцена заедно со лауреатите од останатите 16 категории.

“Се потврди дека за еден сон да стане стварност, потребно е доволно долго да се сонува и многу напорно да се работи. Со оваа награда потврдуваме дека Македонија има вонсериски креативци и големи потенцијали, на кои доколку им се даде вистинската шанса, можат да се борат и да ги победуваат и најкреативните и најдобро платените во светот“, изјави во таа прилика Пешев.

Во регион како Балканот, исполнет со војни, омраза и нетолеранција, спотот го покажа вистинскиот напор на христијаните и муслиманите во Македонија да се доближат едни до други, вистински да се запознаат и да се разберат. Во релативно контроверзната тема на истовремено, заедничко верско молење на поповите и на оџите, меѓународното жири во Кан препозна идеја на која ѝ додели една од највисоките награди во светската индустрија на маркетингот.

На Канскиот фестивал на креативноста,  како  најголем собир на адвертајзингот во светот, таа 2013 година  11.000 акредитирани делегати од 100 земји ги следеа резултатите од маркетингкампањите од целиот свет, а меѓународното експертско жири оценуваше во 17 категории во кои беа пријавени повеќе од 37.000 креативни решенија, на 4.000 компании од маркетингиндустријата.

“Шансата за освојување „Лав“ е 1:37.000, повеќе шанса има гром да ве удри. Но, пораката на оваа кампања е моќна, ова е нашиот придонес кон толеранцијата во нашата земја. Вистински луѓе направија реален чекор кон мир, разбирање, почитување едни кон други. Светот ја препозна тежината на овој гест и силината што спотот ја содржи“,  изјави тогаш  креативниот директор Дракалски.

Ова беше прв „Кански лав“ за агенцијата „Њу момент“, која е вреднувана како една од најкреативните агенции на подрачјето на Југоисточна Европа и која во своето портфолио веќе брои 70 меѓународни награди. Највисокото меѓународно признание „Њу момент“ од Македонија пред три години го прослави заедно со својот 20-ти роденден.

Спотот „10 метри одвоени“ беше дел од пошироката кампања споведена од Генералниот секретаријат на Владата на Република Македонија за соживот и за религиска толеранција, која во земјава ја реализираа неколку маркетингагенции.

 

 

 

 

 


Почитувани за да продолжите со читањето треба да бидете претплатник

Доколку сте претплатник на kapital.mk, само логирајте се.

Одберете пакет за претплата:

Напоменуваме дека подолу можете да купите само едно електронско издание

Зошто треба да се претплатите?

Што добивате со он-лајн претплата на Капитал:
  • Со претплата на електронското издание на Капитал заштедувате 20% попуст на цената за претплата на печатеното издание

  • Можност за најава од три различни уреди – домашен компјутер, службен компјутер и мобилен телефон

  • Пристап до електронското издание од било каде во Светот

Што добивате со претплата на печатеното издание на Капитал:
  • 49 броја на редовното издание на Капитал

  • 45 специјални додатоци годишно, интегрирани во рамки на редовното издание на Капитал

  • Бесплатна достава на магазинот на домашна адреса или на работа

  • Платена поштарина

  • Вклучено ддв

  • Бесплатен он-лајн пристап до сите електронски изданија на редовниот број на Капитал и сите специјални прилози

Одберете пакет за претплата:

Напоменуваме дека подолу можете да купите само едно електронско издание

Зошто треба да се претплатите?

Што добивате со он-лајн претплата на Капитал:
  • Со претплата на електронското издание на Капитал заштедувате 20% попуст на цената за претплата на печатеното издание

  • Можност за најава од три различни уреди – домашен компјутер, службен компјутер и мобилен телефон

  • Пристап до електронското издание од било каде во Светот

Што добивате со претплата на печатеното издание на Капитал:
  • 49 броја на редовното издание на Капитал

  • 45 специјални додатоци годишно, интегрирани во рамки на редовното издание на Капитал

  • Бесплатна достава на магазинот на домашна адреса или на работа

  • Платена поштарина

  • Вклучено ддв

  • Бесплатен он-лајн пристап до сите електронски изданија на редовниот број на Капитал и сите специјални прилози

Напишете коментар

Вашата адреса за е-пошта нема да биде објавена. Задолжителните полиња се означени со *

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

коментари и анализи
...Сите ние живееме во време, кога само идејата е капитал, сè друго е пари...
Најава
Регистрација

На вашата e-mail адреса ќе добиете лозинка за логирање на КАПИТАЛ.

Заборавена лозинка?

Внесете e-mail адреса или корисничко име со кое сте регистрирани на КАПИТАЛ.

×