Како централните банки полека но сигурно го туркаат светот кон нова финансиска криза
Објавено на од во Банки и бизнис
Време е централните банки во светот да ги променат своите монетарни стимули.
централ банксТрите причини за ова се:
Прво – тие се многу скапи
Второ, се крајно неефикасни
Трето – создаваат финансиски меури.
Како  што советува инвеститорот Ворен Бафет, „дознавате кој плива гол, кога толпата излегува од водата. А толпата наскоро може да започне да излегува од водата“.
Негативните ефекти од олеснетата монетарна политика на централните банки ширум светот се познати одамна. Но, можеби најсериозно од нив е нивното влијание врз банките. Видовме што се случи со Дојче Банк по години на лоши резултати и прекумерни трошоци.
Извршниот директор на UBS Group AG беше еден од многуте експерти кои изразија загриженост за олеснувањето на светските централни банки ширум светот. Политика која ги носи финансиските пазари до нови историски рекорди.
„Ќе го следам многу, многу внимателно, натамошниот раст на билансот на состојби на централните банки“, рече Серџо Ермоти во телевизиското интервју во Блумберг на почетокот од овој месец. „Ние сме во опасност да видиме нов меур при активите“.
Со забавување на глобалниот раст, централните банки беа принудени да го свртат курсот, откако многу од нив направија напори да ја заостри својата монетарна политика во текот на изминатата година (ФЕД ги презеде најсериозните чекори во оваа насока).
Претседателот на Федералните резерви Џером Пауел и неговите колеги веќе ги намалија каматните стапки за четвртина процент, во состојба кога пазарот се залага за уште две намалувања на каматните стапки оваа година.
Во исто време, ЕЦБ повторно е на работ на повеќе стимули.За инвеститорите, политиката на централните банки е нешто што го поттикнува натпреварот на финансиските пазари.
Ова ја зголеми побарувачката за ризични средства. Stoxx Europe 600 порасна за 13% во првата половина од годината, што е најдобро враќање за шестмесечен период од 1998 година.
Обврзниците исто така поскапеа како резултат на ветувањата за олеснување на монетарната политика, што доведе до рекорден обем на негативни приноси. Ова предизвикува спирала во која инвеститорите што бараат повисоки повратици се свртуваат кон поризични средства.
Иако е тешко да се визуелизира пред да пукнат, потенцијалните финансиски меури може да се формираат на глобалниот пазар на обврзници, каде долгот од 13 трилиони долари нуди негативна доходност за инвеститорите. Од него, 1,3 трилиони долари се хипотекарни обврзници на пазарите на недвижнини, како што се Нов Зеланд и Канада.
Федералните резерви на САД и другите централни банки ширум светот само се обидуваат да го поддржат економскиот раст и да ја стимулираат инфлацијата. Но, нивната политика на ниски каматни стапки и стимуланси ја испумпува вредноста на средствата кои се веќе богато оценети.
Еве неколку класи на средства кои веќе го привлекуваат вниманието вооднос на ризиците поврзани со нив:
Потпорни кредити
Малку пазари предизвикуваат се’ поголема загриженост отколку заемите со користење на финансов лост, пртпочитани од компаниите, наречени „несакани заеми“.
Со овие заеми корпорациите финансираат сè, од купување приватна сопственост до дивиденда на акционерите.
Долгот – директно или преку хартии од вредност – вообичаено е во рацете на заеднички фондови, пензиски фондови, осигурителни компании и други институционални инвеститори кои се привлечени од големата доходовност.
Но, потпорните кредити надминаа 1 трилион американски долари само во САД, и помогнаа да се зголеми скокот на коорпоративната задолженост.
Истражувачката фирма Covenant Review проценува дека компаниите што ги користат за финансирање на откуп и аквизиција, гледаат како заемите се надуваат до 7,7 пати повеќе од заработката пред каматата, даноците и амортизацијата. Пред четири години, овој сооднос беше 5,5. Со толку многу пари што ја следат ограничената понуда на на високодоходовниот долг, компаниите успеаја да позајмуваат по пониски цени и да добиваат великодушни попусти, влошувајќи ги нивните биланси и финансиска состојба.
Приватни кредити
Ловот на принос се распространи и на други пазари, кои порано беа област каде доминираат само банки – кредитирање на мали и средни претпријатија, без пристап до пазарите на капитал. Таканаречената приватна индустрија за заеми има акумулирано приближно 766 милијарди американски долари средства и е во процес наскоро да достигне 1 трилион долари.
Загубите од приватните кредити би можеле да ги надминат тие од потпорните кредити на следното глобално економско забавување или должничка криза, предвидуваат експертите на UBS.
И на многу сопственици на приватни кредити веројатно ќе им треба ликвидност на пониски кредитни позиции за време на следниот пад, обезбедувајќи им на инвеститорите со големи парични ресурси, според Pacific Investment Management Co.
Зомби компании
Лесните пари помагаат во одржување на некои бизниси живи, што инаку би затвориле.
Таквите компании се опишани како неспособни да ги покријат трошоците за сервисирање на нивниот долгорочен оперативен долг и имаат ограничени можности за раст.
Тие сега претставуваат околу 6% од нефинансиските акции во напредните економии, според Банката за меѓународни порамнувања.
Учеството на американските компании со низок капацитет без добивка е 32% на крајот на мај, што е на највисоко ниво од светската финансиска криза, покажуваат податоците од Leuthold Weeden Capital Management.
Државниот долг
Дури и некои од најризичните државни обврзници во Европа се искачија на невидени нивоа.
Грција, која ја изврши најголемата реорганизација на долг во историјата пред само неколку години, сега има рекордни ниски трошоци по задолжувањето, при што приходите паднаа под 2% споредено со 10-годишниот показател.
Италија забележа дека доходовноста на нејзините двегодишни обврзници премина на негативна територија на почетокот на овој месец, а десетгодишната обврзница е преполовена за повеќе од 3% на почетокот од оваа година.
Иако политичките ризици се намалија во двете држави, тие сепак носат огромен долг што ги плашеше инвеститорите во минатото, како што се анализираше и порастот на италијанската доходовност, минатиот мај, кога ликвидноста испари.
Европски кредит
Дури и некои несакани обврзници се тргуваат на нивоа каде инвеститорите треба да платат за привилегијата да ги задржат. Бројот на овие хартии од вредност деноминирани во евра и тргувани со негативна доходовност, сега е 12, според податоците собрани од Блумберг. На почетокот на годината немаше такви.
Таканаречените „инвеститори-туристи“ – кои обично купуваат заеми со повисок рејтинг – исто така бараат средства што се значително подолу во спектарот на квалитетот на обврзниците, за подобра повратност.
Европските фондови со висок принос привлекуваат прилив на средства седма недела по ред, во вкупна вредност од 3,5 милијарди евра (3,9 милијарди долари).
Акциите
S&P 500 тргува со 17 пати повеќе од заработката прогнозирана за следната година, и покрај политичката неизвесност и трговската војна со Кина.
Иако овој број можеби не изгледа многу голем, инвеститорите треба да бидат свесни дека тој достигнал 25 во време на пазарните пикови и пред „пукањео на финансискиот меур“.
Некои истакнати ветерани од Волстрит предупредуваат дека се појавуваат ризици во одредени сектори.
Роб Арот, основач на Research Affiliates LLC, забележа на големата технологија како на потенцијален џеб. Акции на FANG – Facebook Inc., Amazon.com Inc., Netflix Inc. и матична компанија на Google – Alphabet Inc. се зголемија за 1167% од 2013 година, или 10 пати повеќе од S&P 500.
Имотите
Анализата на „Bloomberg Economics“ овој месец покажа дека пазарите на недвижнини во Канада и Нов Зеланд се најранливи на корекција на цените на становите. Австралија, Норвешка, Шведска и Велика Британија се исто така загрижени за „меурот од стамбениот балон“, кој го зема предвид односот на цените на куќите кон кирии и приходите, како и цените прилагодени на инфлацијата и заемите за домаќинствата.
Според истражувањата на UBS , пазарите ширум светот кои покажуваат одлики налик на балон во моментов ги вклучуваат Хонг Конг, Минхен, Торонто, Ванкувер, Лондон и Амстердам. Во многу области, цените се водени од бранот инвеститори кои купуваат имот за изнајмување во потрага по подобри приноси.
Т.е, излегува дека, иронично, политиката на централната банка, која инаку е насочена кон создавање стабилност и стимулирање на раст, може да се покаже како еден од најважните фактори во обликувањето на некои од следните финансиски меури, што ќе доведе до друга криза.
Во меѓувреме, сигналите на пазарот на девизен курс се дека најверојатно, нема да направат особено големи промени во околности на упорно ниска инфлација, тврдат аналитичарите на BofA Merrill Lynch Global Research.
„Ова е потенцијално голем проблем затоа што девизниот курс е важен, ако не и главниот канал преку којшто се очекува монетарното олеснување да влијае на инфлацијата и очекувањата за инфлација“, напишаа аналитичарите.
“Со веќе многубројните ниски каматни стапки – 1/3 од пазарот на државни обврзници и 1/4 од обичниот пазар на обврзници нудат негативнен приход. Понатамошните падови на приносите веројатно нема да бидат од големо значење за реалната економија”. се вели во анализата.
Зошто девизниот пазар не реагира?
Аналитичарите гледаат на две можни причини. Прво, кога сите централни банки ќе се „олеснат“, тие едноставно меѓусебно ги неутрализираат своите постапки.
Со овој „лош биланс“, сите завршуваат во лабава монетарна политика, но без промена на вредноста на нивните валути. Ова значи дека тие едноставно ги одржуваат цените на активите без да влијаат на реалната економија, ризикувајќи да создадат нови балони во иднина.
Второ, девизниот пазар може да сигнализира дека понатамошното олеснување на монетарната политика нема да влијае на реалната економија и затоа е непотребно, тврдат аналитичарите на BoFA.

Напишете коментар

Вашата адреса за е-пошта нема да биде објавена. Задолжителните полиња се означени со *

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

коментари и анализи
...Сите ние живееме во време, кога само идејата е капитал, сè друго е пари...
Најава
Регистрација

На вашата e-mail адреса ќе добиете лозинка за логирање на КАПИТАЛ.

Заборавена лозинка?

Внесете e-mail адреса или корисничко име со кое сте регистрирани на КАПИТАЛ.

×