„Комерсант“: Русија сака да привлече пет до 10 милиони нови жители од соседните земји
Објавено на од во СВЕТ-БИЗНИС И ПОЛИТИКА
Идеолошката база на планот е Концептот за миграциска политика, што минатата есен го промовираше рускиот претседател Владимир Путин.
kremlinКремљ подготвува институционална основа за преселување во Русија на што е можно поголем број лица од соседните земји, тврди московскиот весник „Комерсант“.
Според весникот, со ваквиот план Русија има амбициозна цел да привлече меѓу пет и 10 милиони жители, пред се од земјите каде има голем број Руси, како Украина, Казахстан, Узбекистан и Молдавија.
Работната група за спроведување на овој план вклучува 24 лица, меѓу кои и службеници во руските министерства и агенции, како и пратеници во Државната дума. Со групата, според „Комерсант“, раководи шефот на Управата за гарантирање на уставните права на граѓаните при Кремљ, Максим Травников.
Идејата на планот е да се создадат услови за преселување на Руси од соседните држави во Русија, имајќи ја предвид демографската криза со која се соочува земјата, наведува „Комерсант“.
Со планот се предвидува во текот на мај Државната дума да одобри законски предлози поврзани со правото на стекнување државјанство и можности за населување во Русија.
Според експерти, на кои се повикува „Комерсант“, за компензирање на негативниот природен прираст, на Русија ќе и биде потребно да „увезува“ по околу 300.000 лица годишно.

Напишете коментар

Вашата адреса за е-пошта нема да биде објавена. Задолжителните полиња се означени со *

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

коментари и анализи
...Сите ние живееме во време, кога само идејата е капитал, сè друго е пари...
Најава
Регистрација

На вашата e-mail адреса ќе добиете лозинка за логирање на КАПИТАЛ.

Заборавена лозинка?

Внесете e-mail адреса или корисничко име со кое сте регистрирани на КАПИТАЛ.

×