Македонија доби понуда од УНКТАД преку Програмата за наука и технологија да го забрза развојот и продуктивноста на економијата
Објавено на од во Економија
Македонија доби понуда од УНКТАД да ги искористи можностите од Програмата за наука, технологии и иновации, која може да им помогне на националните програми и капацитети да придонесат за развој и поголема продуктивност на економијата. Ова беше главната порака на средбата што ја оствари министерот за економија Крешник Бектеши со заменик генералниот секретар на Конференцијата на Обединетите нации за трговија и развој (УНКТАД) Изабел Дуран.
унктадНа средбата одржана во рамки на тридневната работна посета на министерот Бектеши во Женева, тој ја информираше претставничката од УНКТАД за реформите што државата ги направи изминатите две години за подобрување на бизнис климата во земјата. Како што потенцираше Бектеши, по стабилзиирањето на политичката ситуација со потпишување на Договорот од Преспа со што се реши деценискиот спор со Грција за промена на уставното име и Договорот за добрососедство со Бугарија, на земјата и’ се отвори простор за зголемување на регионалната сопработа, но и патот кон интеграција во Европската унија и НАТО.
Покрај реформите во енергетиката, прекуграничната соработка, инвестициите во патна и железничка инфраструктура, најголем акцент за поттикнување на растот на економијата, како што нотираше Бектеши, е изготвувањето на Планот за економски раст.
„Минатата година година го изготвивме Планот за економски раст кој што се спроведува со Законот за финансиска поддршка на инвестициите. Со него се изедначуваат домашните и странските инвеститори, што не беше случај во минатото. Содржи мерки за поттикнување на конкурентноста на компаниите во земјата за да бидат подготвени да влезат во големите пазари и најважниот дел е да се промовираат иновациите, стартапите и акцелаторите. Ова се нашите политики за поттикнување на растот на економијата“, појасни Бектеши.
Според Дурант, Република Северна Македонија како мала земја има многу можности за развој на економијата, пред се’ преку поддршка на иновативноста на малите и средни компании, кои што можат да го поттикнат растот, но и приливот на странски инветсиции.
„Како земја можете да имате бенефит од иновации, наука и технологија ако тоа го препуштите на академскиот сектор да го развива, но и на компаниите како акцелатори на стартапи за да имате силна база за развој на иновативни компании. Тоа е нешто на кое може како земја да посветите поголемо внимание, бидејќи тоа е поврзано и со привлекување на странски инвеститори“, порача Дурант.
Бектеши и Дурант беа согласни дека позитивниот исход од политичката криза и мирното решавање на споровите со соседите се меѓу главните мотори за забрзан раст на економијата, за што Бектеши порача дека земјата ги направила сите неопходни чекори за конечно оваа есен да добие датум за почеток на преговорите со Европската унија.
Во рамки на посетата на Обединетите Нации, министерот Бектеши оствари и неформална средба со Кире Илиоски, кој од 1 јули стапи на функцијата директор во Канцеларијата на извршниот сектретар на Обединетите Нации (ОН).

Напишете коментар

Вашата адреса за е-пошта нема да биде објавена. Задолжителните полиња се означени со *

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

...Сите ние живееме во време, кога само идејата е капитал, сè друго е пари...
Најава
Регистрација

На вашата e-mail адреса ќе добиете лозинка за логирање на КАПИТАЛ.

Заборавена лозинка?

Внесете e-mail адреса или корисничко име со кое сте регистрирани на КАПИТАЛ.

×