Македонските претприемачи во борба за инвеститори
Објавено на од во Start-up

UkimБизнис Акцелераторот УКИМ го одржа првиот DEMO DAY

Од мултисензорски елек наменет за пасионираните гејмери, до паметната платформа за помош на фармерите – вкупно шест иновативни проекти се претставија пред потенцијалните инвеститори и публиката од стартап екосистемот на Македонија во рамки на првата акцелераторска програма на Бизнис Акцелераторот УКИМ.

 

Бизнис Акцелераторот УКИМ (БАУ) го одржа својот прв DEMO DAY како официјален завршен настан на првата акцелераторска програма. Во неа учествуваа шест старт ап компании, селектирани од вкупно 42 апликанти, и програмата траеше 12 недели. Минатата недела, во Центарот за трансфер на иновации и технологии – ИНОФЕИТ тие ги претставија своите решенија и иновации пред комитет за инвестиции на БАУ и пред публика од екосистемот за стартапи во Македонија.
 Старт ап компанијата Араиг Глобал (Araig Global)презентирашепроизвод ARAIG, мулти-сензорски стимулациски елек, наменет за индустријата за електронски игри што му овозможува на корисникот (гејмерот) 360˚ искуство. Нивните колеги од Инелипсе(Inellipse)го претставијапроизводот AWSome кој овозможува интеграција на различни комуникациски канали кои ги користат тимовите за развој на дигитални решенија (developers) со различните бази на податоци кои се обработуваат во облак (Cloud computing). Претставниците на БИО ИЦТ (Bio ICT)говореа за производот Agrosense – ИКТ платформа за мерење, следење и анализирање на метеоролошките и агротехнички параметри (температура, влажност, осветлување на сонце, брзина на ветерот и насоката, врнежи од дожд, влажност на почвата и слично.) во реално време и на специфична геолокација за оптимална употреба на ресурсите за подобрување на приносот и заштита од болести.
 Давверо.ИО(Davvero.IO)производот е модерен паметен и уникатен накит, кој ја следи емоционална состојба на корисникот. Старт ап компанијата Елевејт Глобал (Elevate Global) го претстави производот ASAP кој обезбедува обработка на голема база податоци во реално време, вклучувајќи вештачка интелигенција за предвидување на следните чекори согласно податоците со коишто управуваат. Доларе Технолоџи (DolareTechnology) го претставипроизводот Metricity кој им помага на институциите да ги исполнат условите за усогласување со регулативата, да го потврдат идентитетот на клиентот и да ја пресметаат процената на ризикот од перење пари и финансирање тероризам.
Како што ни објасни извршниот директор на БАУ, Александар Стамболиев, во меѓувреме научно-технолошкиот комитет на акцелераторот ја оцени технологијата која ја развиваат и применуваат акцелерираните стартапи, а нивните наоди заедно со деталните бизнис планови на акцелерираните стартапи почнаа да ги оценуваат членовите на комитетот за инвестиции, и се очекува во првата половина на јули БАУ да објави во кои стартапи ќе инвестира.
„Од почетокот на годинава, Акцелераторот УКИМ интензивно работеше на спроведување на неколку програми за акцелерација кои имаа за цел да го унапредат бизнис моделот на технолошките напредни бизнис идеи, а донекаде и примената на технолошкото решение согласно потребите на пазарот. Се спроведе првата пред-акцелераторска програма во соработка со 10-на професори од УКИМ, чии наставни предмети го обработуваат претприемништвото, иновации, менаџментот и се практично ориентирани. Во рамките на оваа програма, се спроведе и Venture Academy Spring 2019, која имаше за цел да го хармонизира знаењето за водење на бизнис на заинтересираните студентски тимови од различните факултети на УКИМ.“, рече Стамболиев.
Инаку, програмите за акцелерација беа надополнети и со 72 студенти на МБА студии и 6 професори од Универзитетот за применети науки од Луцерн, Швајцарија, кои во текот на еднонеделниот престој во месец мај годинава им пружија интензивна менторска поддршка на 13 македонски студентски тимови и стартапи се со цел да се обезбеди бизнис модел и технолошко решение согласно потребите на пазарот.
34 ukim
Стартапите и crowdfunding -от
Минатата неделапак, на 20 јуни, покрај презентирање на бизнис идеите и иновациите, Акцелератор УКИМ организираше и панел дискусија на тема „Комплементарност на постојните финансиски инструменти и услуги за поддршка со цел да се забрзаат иницијативите за стартување и раст на бизнисот“. На панелот дискутираа Тања Илиевска од Фондот за иновациии технолошки развој, којаги претстави досегашните инвестиции во стартапи и постигнатите резултати, потоа проф. д-р Владимир Атанасовски, од Центарот за трансфер на технологии и иновации – ИНОФЕИТ кој го претстави механизмот за комерцијализација на научните достигнувања при УКИМ и воспоставената соработка со локалната и глобалната индустрија. Дијана Јаневска од Научниот парк Грац, Австрија ги претстави услугите кои ги нудат за развој на иновации и можностите за стартапите од Балканот и од Акцелераторот УКИМ за користење на нивните услуги. Каролина Кароска – Божиноска од Македонска Берза ја претстави интернет платформата Funderbeam за финансирање која функционира преку принципот на креирање кампањи за собирање средства таканаречени – crowdfunding и можностите за обезбедување на алтернативен извор за прибирање капитал.
„Акцелераторите стануваат с$ подинамичен дел од стартап екосистемот со програми што им овозможуваат на младите компании менторство, совети, практичен тренинг, како и контакти што ќе ги водат од фазата на идеја до фазата на развој на продуктот и негово лансирање. По фазата на лансирање следи развојната фаза на crowdfunding. Македонската берза како ексклузивен партнер на Funderberam SEE во земјава и на Бизнис Акцелераторот УКИМ ќе продолжи да соработува во насока на поддршка на забрзување на стартап иновациите и бизнис развојот“, рече Каровска – Божиноска, раководител на Одделот за промоција, едукација и развој во Македонска берза.
Робин Зимбаков од ЦЕЕД Клубот на Бизнис Ангели направи осврт на досегашните активности на Бизнис ангелите во Македонија, четирите компании во кои инвестирале и даде осврт на индустриите во кои може да се инвестира, кои нови производи или услуги би можеле да ги поддржат и за начинот на кој можат да придонесат во развојот на стартапите засновани на напредни технологии.
Во рамките на акцелераторската програма, глобални и локални специјалисти од различни области ги менторираат стартапите, нудејќи поддршка во унапредување на бизнис концептот и на презентациските вештини.

Напишете коментар

Вашата адреса за е-пошта нема да биде објавена. Задолжителните полиња се означени со *

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

коментари и анализи
...Сите ние живееме во време, кога само идејата е капитал, сè друго е пари...
Најава
Регистрација

На вашата e-mail адреса ќе добиете лозинка за логирање на КАПИТАЛ.

Заборавена лозинка?

Внесете e-mail адреса или корисничко име со кое сте регистрирани на КАПИТАЛ.

×