Марко Инѓилизов и Викторија Панова се победници на националниот Европски квиз на парите, ќе ја претставуваат земјава на финалето во Брисел
Објавено на од во МКД-БИЗНИС И ПОЛИТИКА
Марко Инѓилизов  и Викторија Панова ќе ја претставуваат нашава земја на финалето на Европскиот квиз на парите, што ќе се одржи на 7 мај годинава во Брисел, Белгија. Двајцата од училиштето  СОУ „ Гимназија Кочо Рацин” Велес, имаа најдобри резултати на националното финале, што се одржа вчера  на Економскиот факултет при Универзитетот „Св. Кирил и Методиј“ во Скопје, во конкуренција на своите врсници од целата држава.
3. Националните победници на Квизот и претставниците на институциите - 1
Европскиот квиз на парите за првпат се одржува во нашава земја, при што учество зедоа над 3.000 деца од основните и средните училишта. Неговата основна цел е финансиска едукација на младите од 13 до 15 години.
Иницијатор на ова натпреварување кај нас е Македонската банкарска асоцијација којашто го организира квизот во соработка со Народната банка, Министерството за образование и наука и Комисијата за хартии од вредност.
Второт место го освоија Марија Стојаноска и Димитар Дукоски од ООУ „ Блаже Конески” од Прилеп, атретопласирани се Петар Живковиќ и Марија Коруновска од ООУ „ Елпида Караманди” од Битола.
На свеченоста на којашто беа прогласени победниците на националниот натпревар, заменик-министерот за образование и наука, Петар Атанасов, изразувајќи поддршка за иницијативата за одржување на Европскиот квиз на парите, истакна дека ваквиот начин на едукација кај младите наоѓа сесрдна поддршка во Министерството, додавајќи дека финансиската писменост  е исто толку значајнa за личноста како и другите видови едукација. „Особено радува фактот што во проектов се вклучени деца од 13 до 15 години, што е одлична возраст, во која ако сега се вложи, може многу да се врати  во иднина“, дополни Атанасов.
Победниците ги поздрави главната економистка Анета Крстевска од име на Народната банка. Таа упати искрени честитки до сите ученици кои зедоа учество на овој квиз, како и до нивните ментори, кои активно се вклучија и ја поддржаа оваа иницијатива. „Верувам дека сите заедно придонесовме за збогатување на знаењата на младите генерации од областа на финансиите, со што тие полесно и поуспешно ќе се соочат со предизвиците на новото време“  – кажа Крстевска.
Учеството на нашава земја во овој значаен проект на Европската банкарска федерација го поддржа и Зоран Колев, комисионер во Комисијата за хартии од вредност, потенцирајќи колку е важно младите да го разберат пазарот на капитал и неговото функционирање. „Колку повеќе младите се едуцирани за финансиите, толку повеќе бизнисите или финансиските одлуки кои во иднина ќе ги започнат или донесат ќе бидат успешни. Затоа образовниот систем и финансиските институции треба уште од најрана возраст да ги едуцираат децата за финансиите, за начинот на управување со личните финансии, за тоа дека заштедите може да помогнат во постигнување на одредени финансиски цели во животот“ – истакна Колев.
6. Од тестирањето - финале на националниот натпревар - 2
Претседателот на Македонската банкарска асоцијација, Коста Митровски, им ги врачи признанијата на победниците на националниот натпревар.
„Големо е задоволството кога успешно ќе се реализира еден ваков голем проект. Знаењата од областа на банкарството и финансиите се вонредно важни за економската стабилност на секој поединец, семејство и нивното совладување што порано има особена тежина.  Посебно горд ме прави фактот што МБА во својата прва година од своето работење го иницираше и го финализираше ова натпреварување, кое се надевам ќе стане традиционално. Им честитам на победниците и со нетрпение ќе очекуваме добри вести и по финалето во Брисел“ ‒ истакна Митровски.

Напишете коментар

Вашата адреса за е-пошта нема да биде објавена. Задолжителните полиња се означени со *

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

коментари и анализи
...Сите ние живееме во време, кога само идејата е капитал, сè друго е пари...
Најава
Регистрација

На вашата e-mail адреса ќе добиете лозинка за логирање на КАПИТАЛ.

Заборавена лозинка?

Внесете e-mail адреса или корисничко име со кое сте регистрирани на КАПИТАЛ.

×