Меј и Јункер договорија измени во договорот за Брегзит
Објавено на од во СВЕТ-БИЗНИС И ПОЛИТИКА
Кабинетот на Тереза Меј соопшти дека е договорен заеднички инструмент за појаснување на договорот за Брегзит.
British Prime Minister Greets European Commission President in Downing StreetБританската премиерка Тереза Меј во разговор со претседателот на Европската комисија Жан-Клод Јункер успеа да обезбеди „правно обврзувачки“ промени во нејзиниот договор за Брегзит, во последниот обид да добие поддршка од британските пратеници кои се заканија дека повторно ќе го отфрлат договорот.
Правно обврзувачкиот договор всушност е додаток на претходно постигнатиот договор меѓу Меј и ЕУ минатата година и предвидува заштитен механизам со кој се гарантира дека границата меѓу Република Ирска и Северна Ирска ќе остане отворена и по излезот на Британија од ЕУ.
Јункер порача дека Британија мора да ја напушти ЕУ до европските избори што ќе се одржат од 23 до 26 мај, или во спротивно ќе мора да избира свои пратеници за Европскиот парламент.
„Повлекувањето на Обединетото Кралство треба да биде целосно завршено пред европските избори кои се одржуваат меѓу 23 и 26 мај годинава. Ако земјата не ја напушти ЕУ до тогаш, законски од неa ќе се бара да ги одржи овие избори“, рече Јункер.
Тој додаде дека сега британскиот Парламент треба да направи клучен избор со тоа што ќе го одобри или одбие договорот за излез на Британија од ЕУ.
– Изборот е јасен: тоа е овој договор или Брегзит можеби воопшто нема да се случи, напиша Јункер на Твитер.

Напишете коментар

Вашата адреса за е-пошта нема да биде објавена. Задолжителните полиња се означени со *

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

...Сите ние живееме во време, кога само идејата е капитал, сè друго е пари...
Најава
Регистрација

На вашата e-mail адреса ќе добиете лозинка за логирање на КАПИТАЛ.

Заборавена лозинка?

Внесете e-mail адреса или корисничко име со кое сте регистрирани на КАПИТАЛ.

×