Микурија: Северна Македонија направи голем напредок во користењето на технологија во царинското работење
Објавено на од во МКД-БИЗНИС И ПОЛИТИКА
Северна Македонија има направено голем напредок во користењето на технологијата со цел да се олесни царинското работење, а со тоа и да се подобрат условите за водење бизнис, смета генералниот секретар на Светската царинска организација, Кунио Микурија, кој претстојува во земјава како гостин на конференцијата „Паметни граници за непречена трговија, патување и транспорт“, што од денеска до четврток се одржува во Скопје.
granica-carina„Важно е Царинската управа, креаторите на политики и истражувачите да се соберат тука и да разговараат за иднината на царината, применувањето на технологија во оваа област со цел да се подобрат бизнис условите, но и да се заштити општеството. Со таа цел, ќе бидат дискутирани е-трговијата, односно користењето податоци во приватниот сектор и анализањето на податоците за работата на Царината со цел да се поддржи отвореноста на земјата и нејзината интеграција во глобалниот систем на царина и размена“, изјави Микурија пред почетокот на конференцијата.
Премиерот Зоран Заев, кој присуствуваше на отворањето на собирот, порача дека Република Северна Македонија целосно ја прифаќа економската интеграција на земјите од регионот и на европско и светско ниво.
„Ние имаме јасна определба. Владата одлучи да се движи напред во соработка со соседите и со сите земји. Ги прифати придобивките од слободната трговија и наместо преземање контрола, Владата го поддржува ставот дека меѓународната инлклузивност е многу посилна отколку стоењето настрана“, рече Заев.
Модернизацијата на Царинската управа, според него, треба да придонесе кон развој на надворешно трговското опкружување. Тој најави дека од 1 јануари 2020 година извозното работење треба целосно да се одвива без хартија, а заедничките царински контроли со Србија и наскоро со Албанија , според него, ќе придонесат кон уште поголемо интегрирање на македонската економија.
На овој значаен настан за Светската царинска органзиација, чиј домаќин е Царинската управа во земјава, присутни се претставници од над 50 држави кои во следните три дена ќе дебатираат за т.н. паметни граници за да се овозможи непречена трговија, патување и транспорт.
За Царинската управа, одржувањето на конференција од вакви размери е потврда за напредокот во царинското работење во земјава и реформскиот напредок и посветеноста на Царинската управа, Владата и Министерството за финансии за вклучување во глобалните синџири на светската економија.
–  Организирањето на една ваква конференција претставува чест и за Царинската управа и ги поддржува нашите напори за модернизација и напредок и претставува признание на целиот процес на дигитализација што го спроведуваме со цел олеснување на трговијата и интегрирање на македонската економија во регионалната и светската мрежа на снабдување. Темите кои ќе се обработуваат на конференцијата се многу популарни и верувам дека ќе се подигне свесноста од ангажирање на дополнителни капацитети, изјави директорот на Царинската управа, Ѓоко Танасоски.
Светската царинска организација е основана во 1952 година како Совет за царинска соработка. Таа е независно меѓувладино тело чија мисија е зајакнување на ефикасноста и ефективноста на царинските управи. Во неа денес членуваат 183 царински управи од целиот свет кои заедно покриваат околу 98 проценти од вкупната трговска размена.

Напишете коментар

Вашата адреса за е-пошта нема да биде објавена. Задолжителните полиња се означени со *

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

коментари и анализи
...Сите ние живееме во време, кога само идејата е капитал, сè друго е пари...
Најава
Регистрација

На вашата e-mail адреса ќе добиете лозинка за логирање на КАПИТАЛ.

Заборавена лозинка?

Внесете e-mail адреса или корисничко име со кое сте регистрирани на КАПИТАЛ.

×