Мислав Галер: Големата трансформација ни овозможува да продолжиме со нашата цел: врвно корисничко искуство
Објавено на од во Интервју

Galler 2Мислав Галер
извршен директор на А1 Македонија

Трансформацијата од Вип во А1 не значи само визуелна измена на идентитетот, логото, дизајнот и комуникациската платформа. Во суштина, тоа е стратегиска промена која влијаеше на сите сегменти во нашето работење и промена која целиме да ја насочиме кон пресретнување на сите комуникациски потреби на нашите корисници, овозможување на модерна инфраструктура, врвна мрежа и корисничко искуство, збогатено со нов изглед на продажни салони и нови, софистицирани дигитални алатки.

 

Деновиве е актуелна големата промена на македонскиот телекомуникациски пазар – ребрендирањето на операторот оне.Вип во А1, со што компанијата ќе работи под истиот бренд во земјава, како и на останатите пазари во регионов каде што е присутен сопственикот Телеком Австрија. Извршниот директор на А1 Македонија, Мислав Галер, за Капитал открива дека процесот на трансформација се одвивал последниве три години и дека биле вложени огромни материјални, како и човечки ресурси. Со Галер разговаравме за тоа што всушност значи трансформацијата и какви се’ придобивки може да очекуваат корисниците на А1 Македонија во иднина.
Пред неколку месеци го објавивте ребрендирањето, а сега и официјално работите под брендот А1. Од што се состоеше оваа трансформација и дали се движи во посакуваниот правец?
Деновиве македонскиот телекомуникациски пазар забележа нова етапа во развојот. Нашата компанија оне.Вип ја заврши својата трансформација и отвори сосема ново, дигитално поглавје – А1 Македонија и нов А1 бренд. Од самиот почеток бевме препознаени како оператор кој носи иновативност и предизвик на пазарот. Нашето секојдневие се промени, а за нас тоа значеше дека повеќе не можеме да бидеме само телекомуникациски оператор. Прилагодувајќи се на дигиталната еволуција околу нас, што значеше промена на навиките и потребите на корисниците, ја започнавме и нашата промена во дигитална компанија.
Сакаме да ја продолжиме нашата посветеност не само кон иновации и идни технолошки решенија, туку примарно кон врвно корисничко задоволство. Сакаме да го направиме животот на нашите корисници поедноставен, попродуктивен и попријатен во дигиталната ера. Нашето дигитално патување само што започна. Би сакал да им се заблагодарам на сите нашите корисници на нивната доверба во изминатите 12 години и да им ветам дека ќе останеме посветени на нивните идни потреби.
Да одговорам на вашето прашање, јас сум уверен дека трансформацијата оди во вистинска насока. Тоа е логичен чекор поддржан од стабилизацијата која го следеше спојувањето на двата оператори од мобилна и фиксна телефонија, интернет и телевизија, како и консолидацијата на мрежата и нашите долгорочни цели. Станувањето дел од силниот европски бренд А1 отвора можности кои ветуваат искористување на предностите на А1, како силен интернационален бренд, покривајќи ги сите аспекти на конвергентност и ИКТ, мобилни, фиксни, ТВ и интернет решенија, како и cloud и содржински решенија.
Трансформацијата од Вип во А1 не значи само визуелна измена на идентитетот, логото, дизајнот и комуникациската платформа. Во суштина, тоа е стратегиска промена која влијаеше на сите сегменти во нашето работење и промена која целиме да ја насочиме кон пресретнување на сите комуникациски потреби на нашите корисници, овозможување на модерна инфраструктура, врвна мрежа и корисничко искуство, збогатено со нов изглед на продажни салони и нови, софистицирани дигитални алатки.
Новиот А1 бренд веќе живее насекаде каде што се нашите корисници, во нашите работни простории и помеѓу нашите вработени, во нашите продажни салони, во целата комуникација со нашите корисници, како во најновата А1 понуда.
Вашата компанија веќе помина низ едно големо спојување, сега и ребрендирање. Како го поминавте овој процес, односно, колку енергија, време и ресурси беа потребни?
Трансформацијата е процес кој се одвиваше во компанијата последните три години. Во овој период се развивавме и го променивме начинот на кој работиме и размислуваме. Драго ми е дека ја имавме можноста да работиме на проект од големо значење, проект кој ретко се случува во кариерата на големи компании. Со огромна поддршка од Телеком Австрија Групацијата, успеавме во нашата намера да се трансформираме во А1, бренд кој ќе го докаже своето реноме и вредност на домашниот пазар кои веќе ги има во земјите каде што делува Телеком Австрија Групацијата.
Ова беше проект кој бараше големо вложување на човечки ресурси и инвестиции, поделба на задачи и одговорности, тимска работа, огромна посветеност и енергија. Претставуваше голем предизвик и можам да кажам дека е еден од покомплексните проекти на кои сум работел.
Задоволство беше да се работи со моите колеги кои се клучен фактор во целиот овој процес. Повеќе од 1000 вработени ги менуваат утврдените процеси и креираат новини на дневна основа. Нивната тимска работа, ентузијазам и посветеност кон постигнување на компаниските цели и овозможување на најдоброто за нашите корисници со кои веќе започнавме да ги пишуваме првите страници на нашата А1 приказна ме прават многу горд. Ова е промена кон подобро и носи конкретни придобивки, така што јас сум убеден дека нашите корисници ќе ја прифатат и поддржат.
17gКоја е приказната зад А1 брендот во Македонија?
Под А1 брендот сакаме да ги исполниме сите кориснички потреби во дигиталната ера во која живееме. А1 како силен, меѓународен бренд, особено важен во областа на сеопфатните комуникациски решенија, е препознаен како одговорен, модерен бренд кој овозможува високо квалитетна услуга и врвно корисничко искуство, како и комуникациска инфраструктура подготвена да одговори за сите идни предизвици.
Во поширок контекст, Телеком Австрија Групацијата делува во 7 земји. Во исто време постојат повеќе од 100 оператори во Европа што значи консолидацијата и воведувањето на еден бренд препознаен од пошироката заедница крајни корисници е неминовно. За нас тоа значи придобивки во секојдневниот бизнис како што се логистика, маркетинг, набавки итн. на сите пазари под еден препознатлив А1 бренд.
Она што сакам да го потенцирам е дека нашите корисниците одиграа значајна улога во целиот овој процес. Разговаравме со нив, ни ги пренесоа нивните потреби и забелешки и како резултат на тоа, ја добивме вистинската слика за нивниот посакуваниот дигитален провајдер. Ги отвораме вратите за нашите корисници и им даваме можност да креираат нови искуства според нивните потреби кои ќе овозможат подобар начин на живот во дигиталната ера.
А1 е мотивиран од предизвикот и поттикнат од љубопитноста, гледа напред и постојано прашува: “што ако?” давајќи одговори и отворајќи нови светови. Затоа нашата А1 порака е “Секој твој свет“, и таа е основа за креирање сите наши идни понуди и услуги.
Живееме во време на постојани промени, време на дигитална трансформација. Како А1 одговара на предизвиците од ова динамично време?
Во текот на минатата година и денес, телекомуникациската индустрија се соочува со предизвиците поврзани со огромниот раст на податочен волумен и кориснички побарувања за истото, а моменталната инфраструктура е потребно дополнително да се развива и бара огромни инвестиции за да им излезе во пресрет и да ги задоволи овие кориснички побарувања.
Трансформацијата од телекомуникациски оператор во дигитална компанија која нуди конвергентни услуги е значаен дел од нашата еволуција и таа продолжува. Како А1, ќе продолжиме да еволуираме и сме насочени кон тоа да бидеме партнер од доверба на македонското општество во процесот на дигиталната трансформација.
Но, таа не е само технички процес; на неа треба да се гледа од холистички аспект, како би дошле до одговорот на прашањето што дигиталната трансформација всушност значи за нашите сегашни и идни корисници. Таа не е нешто апстрактно, ниту пак далечно, туку процес кој се случува сега и тука а сите ние, сакале или не, сме дел од него.
Голем дел од интеракцијата на нашите корисници и нашата компанија е дигитална. Ние сме особено горди на нашите производи кои го поттикнуваат дигиталниот начин на живот, како што се Smart Home или дигиталната апликација Мојот А1.
Што конкретно ќе им понуди А1 на своите корисници?
Наша намера како А1 е да станеме лидер во дигиталниот свет за сите свои корисници, креирајќи и нудејќи нови и уште понапредни дигитални искуства и алатки што ќе овозможат уште поедноставно секојдневие, поголема продуктивност и поврзаност.
Од секогаш сме биле посветени кон врвно корисничко искуство и продолжуваме во оваа насока.
Наши приоритети се инвестирање во развој на иновативни услуги и решенија за нашите бизнис и резидентни корисници, нудејќи гласовни услуги, интернет, ТВ и ИКТ услуги во земјата. На нашите корисници им е потребен интернет и едноставни дигитални апликации за поедноставно секојдневие. Тоа и всушност го испорачавме во нашата прва понуда како А1 – ажурирана и усовршена апликација “Мојот А1“ со која корисниците самите го следат и раководат својот тарифен модел, добиваат уште повеќе интернет за повеќе комуникација и се поврзани со нас на наједноставниот и најефикасен начин. Ексклузивно, го претставивме “А1 Алфа“, уредот со неверојатно добри перформанси што веќе наидува на многу позитивни коментари од корисниците.
Како компанија уште од почетокот сте истакнувале дека вработените се најголем капитал. Дали под брендот А1 останувате во истиот фокус?
Апсолутно. Вработените се нашиот најголем капитал и тоа за нас не е само фраза. А1 е тоа што е благодарение на нашите луѓе, нивната работа, ентузијазам и посветеност. Се трудиме да ги задоволиме потребите на вработените исто како што се трудиме да ги задоволиме потребите на нашите корисници. Ако тоа значи промена, тогаш таа и ќе се случи. Една од најважните новини за нашите вработени како А1 бренд е А1 Флекси- можноста за флексибилно работно време и работно место. Целта на оваа новина е да им дадеме на нашите вработени можност да го комбинираат и балансираат својот приватен и професионален живот онака како нив најмногу им одговара.
Горд сум што сум дел од една од првите компании на пазарот кои го имплементираат ваквиот начин на работа кој веќе некое време функционира во рамки на нашата Групација. Проектот беше најавен пред неколку дена, се’ уште е многу рано да се зборува за него и со нетрпение ги очекуваме првите резултати од имплементацијата.
За крај, што би им порачале на корисниците?
А1 е бренд кој гледа напред, кој е полн со живот, енергичен и оптимистичен, бренд од доверба, искрен. Како таков, неговата визија е да го поттикне дигиталниот начин на живеење, да биде водич на нашите корисници низ ерата на новите дигитални технологии, иновативни решенија и разни мултимедијални уреди, кои ќе го направат нивниот живот полесен, попродуктивен и попријатен.
Имајќи ги предвид сите предности кои ги носи брендот А1 како и корисничките потреби кои ги ставаме на прво место, верувам дека заедно со нив, со нашите вработени како и со нашите партнери, ќе ја претвориме нашата визија во реалност.

 


Galler 4A1 се подготвува за 5G

Дали планирате нови инвестиции во 5G технологијата која е пред нас, како и во други техничко – технолошки аспекти на вашиот бизнис?
Како компанија која е посветена на воведување напредни технологии, како член на А1 Телеком Австрија Групацијата, важен играч во Европа, А1 го има предвид технолошкиот развој кој доаѓа преку забрзано надградување и усовршување на мрежата од една страна, но и преку забрзан развој на неопходните мрежни технологии од друга страна.
Во моментот, преку најсовремена сопствена мрежа овозможуваме целосна покриеност со 4G LTE мобилен интернет насекаде во земјата и 4G+ во урбаните средини, како и М2М услуги и покриеност на 99,8% од населението.
Инвестираме во фиксна оптичка пристапна мрежа и до крајот на 2020 очекуваме да опфатиме повеќе од 30.000 домаќинства и да овозможиме врвни интернет брзини и најдобар квалитет на ТВ пренос. И последно, но не помалку важно, ги подобривме мрежните услуги како што е VoLTE кој овозможува кристално чист звук.
Денешниот развој, на пример во областа на роботиката и автономните автомобили, поставува високи барања за мобилната комуникација во однос на меѓусебна интеракција на објектите што 4G технологиите (достапни во денешните мобилни стандарди) не се дизајнирани да ги поддржат. Следуваат сериозни инвестиции во инфраструктурни проекти и технологии што ќе донесат бројни придобивки за корисниците. Доаѓа времето на 5G технологијата и ние веќе ги правиме првите тестови. Со гордост можам да кажам дека тестирањата се одвиваат во посакуваната насока. Веќе го реализиравме првиот 5G повик во нашата мрежа, а тестираме и сценарија кои ќе донесат придобивки за заедницата. Затоа, дополнителен критериум за развој на 5G е достапноста на повисоки мулти-гигабајти во секунда во мобилна мрежна ќелија.
5G мрежите и 5G уредите се веќе достапни и ве уверувам дека А1 е спремен за новата ера и имплементација на најнови технолошки достигнувања. Имплементацијата на 5G ќе биде реална во скоро време, откако регулаторните тела ќе ги доделат 5G фреквенциите.

Напишете коментар

Вашата адреса за е-пошта нема да биде објавена. Задолжителните полиња се означени со *

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

коментари и анализи
...Сите ние живееме во време, кога само идејата е капитал, сè друго е пари...
Најава
Регистрација

На вашата e-mail адреса ќе добиете лозинка за логирање на КАПИТАЛ.

Заборавена лозинка?

Внесете e-mail адреса или корисничко име со кое сте регистрирани на КАПИТАЛ.

×