Мицотакис го победи Ципрас, Ердоган честиташе прв
Објавено на од во БАЛКАН-БИЗНИС И ПОЛИТИКА
Киријакос Мицотакис е новиот премиер на Грција. Вчера на парламентарните избори во Грција неговата партија Нова демократија ја победи владејачката СИРИЗА на Алексис Ципрас.
миотакисПо синоќешната победа на Нова демократија на предвремените парламентарни избори во Грција и можноста сама да формира еднопартиска влада, Кирјакос Мицотакис денес, ќе положи свечена заклетва во претседателската палата и официјално ќе ја преземе функцијата премиер на Грција.

Утрово се очекува службениот министер за внатрешни работи на Грција, Андонис Рупакиотис да го извести претседателот на Парламентот, Никос Вуцис за резултатите од изборите, потоа Вуцис да му го соопшти на претседателот на Грција, Прокопис Павлопулос, распоредот на силите во Парламентот. Веднаш потоа Павлопулос ќе му го даде, на победникот на изборите, Кирјакос Мицотакис, мандатот за формирање влада по што новиот премиер ќе положи свечена заклетва, закажана за 13 часот по локално време.

Неофицијално, според најавите во Грција, во текот на денешниот ден ќе има и примопредавање на функцијата, односно Алекис Ципрас ќе му го предаде премиерскиот кабинет на Кирјакос Мицотакис, а веројатно во попладневните часови ќе биде соопштен и составот на владата.

Новата грчка Влада, најверојатно утре ќе положи свечена заклетва во претседателската палата во Атина.

Кирјакос Мицотакис лесно ќе ја формира владата со оглед на тоа дека не е потребно да бара коалиционен партнер, а во едно од неговите предизборни интервјуа рече дека имињата на министрите му се веќе подготвени.

На вчерашните предвремени парламентарни избори, централно десничарската партија освои 158 пратенички места што се доволни за да формира еднопартиска влада.

Со пребројани 99 нотсто од гласовите, според официјалните податоци од грчкото МВР, Нова демократија е прва со 39,85 отсто, односно 8,32 отсто повеќе од СИРИЗА, додека пак изненадувањето на изборите е тоа што Златна зора, не успева да ја достигне потребната граница од три отсто за влез во Парламентот и останува без пратенички места.

Поконкретно:

Нова демократија 39,85 отсти – 158 пратенички места

СИРИЗА 31,53 отсто – 86 пратенички места

Движење на промена 8,09 отсто – 22 пратенички места

Комунистичка партија на Грција 5,31 отсто – 15 пратенички места

Грчко решение 3,69 отсто – 10 пратенички места

МЕРА25 3,44 отсто – девет пратенички места

И претседателот на Европската комисија, Жан-Клод Јункер, му честиташе на лидерот на Нова демократија за како што наведе, јасна победа на парламентарните избори.
„Имам апсолутна доверба во вашите лични способности и способноста на Грците да напишат ново и посветло поглавје во историјата на вашата земја. Можете да сметате на мојата лична поддршка и поддршка од Европската комисија во остварувањето на таа цел”, нагласи Јункер во неговата честитка.
Тој истакна дека грчкиот народ претрпел многу во изминатите десет години, оценувајќи дека достоинството, издржливоста и посветеноста кон Европа, што тие го покажале, заслужуваат почит.
Јункер смета дека е голем успех на ЕК помошта за Грција да „има нова страница, да излезе од кризата и да планира своја иднина“.

Напишете коментар

Вашата адреса за е-пошта нема да биде објавена. Задолжителните полиња се означени со *

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

...Сите ние живееме во време, кога само идејата е капитал, сè друго е пари...
Најава
Регистрација

На вашата e-mail адреса ќе добиете лозинка за логирање на КАПИТАЛ.

Заборавена лозинка?

Внесете e-mail адреса или корисничко име со кое сте регистрирани на КАПИТАЛ.

×