На располагање 30 милиони денари за граѓаните за енергетска ефикасност за 2019 година
Објавено на од во Економија
Над 30 милиони денари се определени за мерките за надомест на трошоци на домаќинствата за промена на стари со ПВЦ или алуминиумски прозорци и за набавка на сончеви колектори, за што огласите од страна на Министерството за економија беа објавени во петокот согласно Програмата за промоција на обновливи извори на енергија и поттикнување на енергетска ефикасност во домаќинствата за 2019 година.
bektesiМинистерот за економија Крешник Бектеши на прес-конференција истакна дека со предвидените мерки, од предвидените средства пет милиони денари ќе бидат наменети за надоместување на дел од трошоците за купени и вградени сончеви термални колекторски системи во домаќинства, а за купени и вградени ПВЦ или алуминиумски прозорци во домаќинствата обезбедени се 25 милиони денари.
„Со ова уште еднаш сакаме да ги промовораме обновливите извори, но истовремено да направиме заштеди во домаќинствата, како и да промовираме заштита на животната средина. Имајќи го предвид искуството од претходните години би сакал да ги повикам сите заинтеерсирани од утре да почнат да се подготвуваат и да аплицираат во Министерството за економија. Со оглед на големиот интерес ги повикувам што побрзо да аплицираат“, рече Бектеши.
Согласно повиците, на купувачите на сончеви термални колекторски системи (колектори, резервоар за топла вода и потребна инсталација), кои ќе ги купат и вградат во своите домови по денот на објавувањето на овој оглас заклучно со 30 јуни 2019 година, ќе им биде обезбеден поврат на дел од средствата до 30 проценти, но не повеќе од 15.000 денари.
За купувачите на ПВЦ или алуминиумски прозорци со потребната инсталација, кои ќе ги купат и вградат во своите домови по денот на објавувањето на овој оглас, заклучно со 30 јуни 2019 година, ќе се реализира поврат на дел од средствата до 50 отсто но не повеќе од 25.000 денари, сѐ до искористување на предвидените средства за оваа намена.
Единствениот услов е купувачот да го нема искористено правото на поврат на дел од средствата за конкретните намени врз основа на јавните огласи на Министерството за економија во претходните години.
Според Министерството, заклучно со 2018 година на 6.538 домаќинства им се обезбеди поврат на дел од средствата кои ги потрошиле за купени и вградени сончеви колектори, а исплатени се приближно 96 милиони денари, додека во претходниве две години, откако стартуваше мерката за замена на ПВЦ или алуминиумски прозорци субвенцинионирани се 2.350 домаќинства и исплатени се приближно 66.000.000 денари од Буџетот на државата.
За третата мерка за граѓаните – јавниот оглас за надоместување на дел од трошоците за купување печки на пелети во домаќинствата за 2019 година, согласно Програмата ќе биде објавен во третиот квартал од 2019 година и со него е предвидено надоместување на дел од трошоците за купување печки на пелети со линеарна распределба по домаќинство, во зависност од пристигнатиот број на барања кои ги исполнуваат условите од програмата, но не повеќе од 25.000 денари по домаќинство. Вкупниот буџет за реализација на оваа мерка изнесува 20.000.000 денари.

Напишете коментар

Вашата адреса за е-пошта нема да биде објавена. Задолжителните полиња се означени со *

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

...Сите ние живееме во време, кога само идејата е капитал, сè друго е пари...
Најава
Регистрација

На вашата e-mail адреса ќе добиете лозинка за логирање на КАПИТАЛ.

Заборавена лозинка?

Внесете e-mail адреса или корисничко име со кое сте регистрирани на КАПИТАЛ.

×