Намалена побарувачката за патнички возила во ЕУ
Објавено на од во Економија
Последниот извештај на Здружението на европските производители на автомобили констатира дека побарувачката и регистрацијата на нови патнички возила бележи пад од 3,1 отсто во првата половина од 2019 година, во споредба со истиот период лани.
автомобилиИако е забележан мал раст од 0,1 отсто во мај, продажбата на автомобили повторно значајно се намалила следниот месец за 7,8 отсто.
Разлики постојат меѓу западна и централна Европа, се вели во извештајот. Додека западноевропските потрошувачи бележат пад од 3,5 отсто, во централна Европа регистрацијата на нови патнички возила се зголемила за 1,4 отсто. Германија бележи раст од 0,5 отсто. Најголема загуба е констатирана на шпанскиот пазар.
Проекциите на индустријата не се оптимистички за втората половина од оваа година, со оглед на економската неизвесност предизвикана од трговските тензии во светот и сѐ поголеми изгледи за Брегзит без договор, смета здружението.
„За целата 2019, ги ревидиравме нашите прогнози со пад од еден отсто на регистрации на патнички возила, додека севкупната продажба на возила во ЕУ се очекува да биде нешто над 15 милиони единици оваа година“, истакнува здружението на производителите на автомобили.
Последната студија посочува и дека сѐ помалку се купуваат автомобили што возат на дизел, со пад од 17,2 отсто во споредба со претходната година. Единствен исклучок е Германија каде побарувачката за дизел бележи мал раст.
Производството на патнички возила во ЕУ е исто така влошено во првата половина од оваа година, само Франција бележи зголемена стапка на производство од 1,2 отсто.

Напишете коментар

Вашата адреса за е-пошта нема да биде објавена. Задолжителните полиња се означени со *

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

коментари и анализи
...Сите ние живееме во време, кога само идејата е капитал, сè друго е пари...
Најава
Регистрација

На вашата e-mail адреса ќе добиете лозинка за логирање на КАПИТАЛ.

Заборавена лозинка?

Внесете e-mail адреса или корисничко име со кое сте регистрирани на КАПИТАЛ.

×