Нимиц: Новата Влада даде нов импулс во напорите за решавање на спорот за името
Објавено на од во МКД-БИЗНИС И ПОЛИТИКА

НимицРешавањето на спорот за името е високо на агендата на Владата во Скопје и затоа има „нов импулс“ во напорите за решавање на проблемот, изјави специјалниот претставник на Обединетите нации во разговорите за прашањето за името меѓу Грција и Македонија, Метју Нимиц.

„Владата во Скопје е подготвена да ја реактивира својата надворешна политика во регионот и очигледно прашањето за името е важна пречка на патот кон европската интеграција и НАТО членството. Значи, ова е високо прашање на нивната агенда и затоа мислам дека има нов импулс“, изјави Нимиц за Независната балканска новинска агенција (ИБНА).

На прашањето што гледа како следен чекор, Нимиц потсетува дека беше во Скопје, а разговараше и со грчкиот министер за надворешни работи Коѕиас, и најави дека ќе биде во контакт со двете страни во следните месеци со цел да се развие нов план за движење напред.

Запрашан дали има какви било предлози за името, Нимиц одговори не, нагласувајќи дека не дал никакви предлози.

„Имаше предлози во минатото и сметам дека сега е време да се зборува за некои основни концепти пред да стигнеме до предлози“, изјави Нимиц.

Нимиц во понеделникот во Брисел се сретна со министерот за надворешни работи на Грција, Никос Коѕиас, кој го информирал медијаторот за ставот на Атина по средбите кои грчките власти ги имале „со новата Влада на северниот сосед“.

„Се договоривме да останеме во контакт и да бараме начини со кои можеме да отвориме процес за да се најде решение“, рекол Коѕиас.

Метју Нимиц на почетокот на месецов беше во посета на Скопје каде што имаше средби со македонскиот државен врв.

Напишете коментар

Вашата адреса за е-пошта нема да биде објавена. Задолжителните полиња се означени со *

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

коментари и анализи
...Сите ние живееме во време, кога само идејата е капитал, сè друго е пари...
Најава
Регистрација

На вашата e-mail адреса ќе добиете лозинка за логирање на КАПИТАЛ.

Заборавена лозинка?

Внесете e-mail адреса или корисничко име со кое сте регистрирани на КАПИТАЛ.

×