НЛБ Банка прва во Македонија нуди можност да тргувате со хартии од вредност во странство
Објавено на од во Компании
Инвеститорите ќе имаат пристап до повеќе од 40 светски пазари на кои ќе можат слободно да купуваат и продаваат хартии од вредност
NLB__hartii_od_vrednost
НЛБ Банка  ги известува своите клиенти – физички и правни лица дека после неколку месечни интензивни подготовки за првпат во Македoнија ја овозможува услугата тргување со хартии од вредност на странски пазари. Со овој новитет, клиентите ќе можат да тргуваат со хартии од вредност на сите странски пазари, при што Банката ќе им обезбеди информации за настап на секој поединечен пазар како што се: информации за хартиите од вредност, трошоци за реализација на трансакциите, прием и пренос на налози за тргување и нивна реализација, чување на хартии од вредност-порамнување на реализираните трансакции и понатамошно водење на портфолиото.
 „Ни причинува огромно задоволство да ве известиме дека НЛБ Банка АД Скопје ја заокружи првата трансакција на Лондонската берза, со што стануваме првата банка во Македонија која по либерализација на капиталните текови е подготвена да прима налози и да тргува за сметка на своите клиенти на странските пазари. Ова значи дека инвеститорите ќе имаат пристап до повеќе од 40 светски пазари на кои ќе можат слободно да купуваат и продаваат хартии од вредност“, изјави Јасмина Мојсиевска, Директор на Деловниот сектор за финансиски пазари и средства.
 Од НЛБ Банка, како што велат, тргувањето ќе се одвива по најповолни услови, а заинтересираните инвеститори ќе имаат пристап до светските берзи. При тоа, клиентите треба да ги имаат предвид и да ја почитуваат законската регулатива во Република Северна Македонија, вклучително и даночните обврски и обврските од законот за девизно работење.
 За сите дополнителни информации заинтересираните клиенти можат да се обратат до Службата за услуги со хартии од вредност на телефон 5100 387 и преку електронската пошта broker@nlb.mk.

Напишете коментар

Вашата адреса за е-пошта нема да биде објавена. Задолжителните полиња се означени со *

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

...Сите ние живееме во време, кога само идејата е капитал, сè друго е пари...
Најава
Регистрација

На вашата e-mail адреса ќе добиете лозинка за логирање на КАПИТАЛ.

Заборавена лозинка?

Внесете e-mail адреса или корисничко име со кое сте регистрирани на КАПИТАЛ.

×