Нови 100 милиони евра од ЕИБ за македонските мали и средни компании
Објавено на од во Компании

Новата кредитна линија од Европската инвестициска банка што ќе се пласира преку Македонската банка за поддршка и развојот и 11 деловни банки се очекува да биде понудена со каматна стапка  од околу 3,5% и ќе има рок за враќање од 12 години со грејс-период од две до четири години во зависност од проектот.

eib

 

 

 

 

 

 

На македонските мали и средни компании од денеска им е достапна поволна кредитна линија од  100 милиони евра од Европската инвестициска банка (ЕИБ) што ќе се пласира преку Македонската банка за поддршка на развојот и 11 деловни банки. Се очекува до крајот на месецот да бидат потпишани договорите со деловните банки, а од средината на следниот месец да почне и аплицирањето од компаниите за добивање кредити.

Кредитите ќе се доделуваат во транши од по пет милиони евра, а компаниите ќе можат да учествуваат со проекти во вредност од шест илјади евра па до три милиони евра.

Кредитната линија ќе биде достапна во наредните две години, односно до повлекувањето на сите транши. Се очекува да биде понудена по пониски каматни стапки, односно со каматна стапка од околу 3,5 отсто и ќе има рок за враќање од 12 години со грејс-период од две до четири години во зависност од проектот.

Кредитната линија ќе може да се користи за инвестиции, набавка на опрема, градежни материјали, машини, транспортни средства, финансирање на обртни средства…

Како што истакна премиерот Зоран Заев по потпишувањето, Европската инвестициска банка со доделувањето на поволниот кредит го препозна позитивниот сигнал што го има македонската економија особено во вториот квартал од годинава кога е забележан раст на БДП од 3,1 отсто, раст на индустриското производство од 8,4 отсто и зголемување на вработеноста од 7,2 отсто.

Министерот за финансии Драган Тевдовски посочи дека ова не е единствената поддршка што Владата ја нуди за малите и средни компании во земјава и додаде дека во Буџетот се предвидени 1,3 милијарда денари за поддршка на ваквите компании и дополнителна една милијарда денари за активни мерки за вработување.

- Стоте милиони евра се само дел од поголемиот план за поддршка на малите и средни претпријатија што ги преземаме, рече Тевдовски.

Заменик-директорот на ЕИБ Ендру МекДауел истакна дека со оваа кредитна линија се поддржува приближувањето на земјава кон ЕУ и најави дека имаат намера во иднина да се фокусираат на поддршка на транспортот, енергијата и заштитата на животната средина во земјава.

Досега вкупната поддршка од ЕИБ за земјава изнесува 450 милиони евра.

 

 

Напишете коментар

Вашата адреса за е-пошта нема да биде објавена. Задолжителните полиња се означени со *

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

коментари и анализи
...Сите ние живееме во време, кога само идејата е капитал, сè друго е пари...
Најава
Регистрација

На вашата e-mail адреса ќе добиете лозинка за логирање на КАПИТАЛ.

Заборавена лозинка?

Внесете e-mail адреса или корисничко име со кое сте регистрирани на КАПИТАЛ.

×