Почна аплицирањето за земјоделски субвенции
Објавено на од во МКД-БИЗНИС И ПОЛИТИКА

Почнува рокот за поднесување барања за директната финансиска поддршка во земјоделството, проектирана на вкупно 160 милиони евра, соопшти денеска ресорниот министер Љупчо Николовски.

Сите пречки кои го кочеа процесот се отстранети, а решен е, рече, и проблемот со софтверот за аплицирање.

Крајниот рок за доставување барања е 15 септември.

„Ги повикувам земјоделците да конкурираат за субвенции за годинашното производство. Создадени се услови за почeток на процесот за апликација на чие деблокирање работиме од првиот ден кога дојдовме во Министерството“, истакна министерот.

Сите заинтересирани земјоделци можат сами да аплицираат, електронски, преку Е-Барање поставено на страната на Агенцијата за финансиска поддршка во земјоделството и руралниот развој, а оние што не се во можност сами да креираат барање, најдоцна до 30 август годинава треба да побараат техничка поддршка од Подрачната единица на Министерството за да можат да го запазат рокот за аплицирање.

Како што објасни Николовски, за помош околу аплицирањето земјоделците можат да ги користат и услугите на Агенцијата за поттикнување и развој на земјоделството.

„Апелирам до земјоделците, да го испочитуваат рокот за аплицирање, за да може поднесените барања навреме да се обработат и субвенциите да се исплатат согласно предвидениот распоред во текот на годината кој е усогласен со типот на земјоделското производство“, рече министерот.

Барањата се поднесуваат по електронски пат без доставување документи, врз основа на претходно евидентирани податоци во Единствениот регистар на земјоделски стопанста и Регистарот за идентификација и регистрација на домашни животни. Одгледувачите на говеда, овци, кози и пчели, пред подесување на барањето треба задолжително да ја проверат и по потреба да ја ажурираат состојбата на животните во ветеринарното друштво со кое имаат склучено договор.

 

Напишете коментар

Вашата адреса за е-пошта нема да биде објавена. Задолжителните полиња се означени со *

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

коментари и анализи
...Сите ние живееме во време, кога само идејата е капитал, сè друго е пари...
Најава
Регистрација

На вашата e-mail адреса ќе добиете лозинка за логирање на КАПИТАЛ.

Заборавена лозинка?

Внесете e-mail адреса или корисничко име со кое сте регистрирани на КАПИТАЛ.

×