Полскиот претседател стави вето на контроверзните правосудни закони
Објавено на од во Политика

andrzej-dudaПолскиот претседател Анджеј Дуда денеска најави дека ќе стави вето на два од трите закони со кои се предлага реформа на правосудниот систем во земјата. Десетици илјади Полјаци со денови протестираа против законите.

Најавата на Дуда ги релаксира стравувањата дека владејачката полска Партија на правото и правдата (ПиС) ќе ја наруши поделбата на власта во земјата. „Одлучив да му ги вратам на Сејмот (долниот дом на парламентот), што значи ќе ставам вето на законот за Врховниот суд, како и на законот за Националниот совет за судството“, изјави Дуда.

„Тоа што се предлага не е реформа, туку присвојување на судовите. Им честитам на сите Полјаци, ова е голем успех“, изјави Катарина Лубнауер, шефица на парламентарната група на опозициската партија Новочесна.
Полската валута злоти веднаш забележа раст во однос на еврото, рефлектирајќи го ставот на инвеститорите за намален политички ризик во Полска.

Одлуката на Дуда го става во директен конфликт со лидерот на Партијата на правото и правдата, Јарослав Качињски кој нема државна функција, но ги контролира процесите во земјата. Дуда беше избран на функцијата благодарение на поддршката од Качињски.

Десетици илјади граѓани со денови демонстрираа на улиците на повеќе полски градови откако минатата недела парламентот ги усвои контроверзните закони со кои, според критичарите, се одзема независноста на судството. Европската Комисија најави остри мерки против Полска доколку законите стапат во сила. Ветото на Дуда засега го оневозможува тоа.

 

Напишете коментар

Вашата адреса за е-пошта нема да биде објавена. Задолжителните полиња се означени со *

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

...Сите ние живееме во време, кога само идејата е капитал, сè друго е пари...
Најава
Регистрација

На вашата e-mail адреса ќе добиете лозинка за логирање на КАПИТАЛ.

Заборавена лозинка?

Внесете e-mail адреса или корисничко име со кое сте регистрирани на КАПИТАЛ.

×