Потпишан Меморандум за соработка за програмата за практиканство за студенти по фармација и хемија во Алкалоид
Објавено на од во МКД-БИЗНИС И ПОЛИТИКА

Меморандум за соработка за програмата за практикантство потпиша денеска компанијата „Алкалоид АД Скопје“ со Фармацевтскиот факултет и Институтот за хемија на Природно-математичкиот факултет при Универзитетот „Св.Кирил и Методиј“ од Скопје.

Генералниот директор и претседател на УО на „Алкалоид АД Скопје“, Живко Мукаетов, рече дека сакаат да им дадат шанса на студентите многу порано да влезат во рамките на работењето на компанијата. Посочи дека целта е да се подигне нивото на креативност на студентите, да видат што значи практично работење и на крајот тоа да биде од корист и за нив и за компанијата.

Проректорот за финансии, инвестиции и развој при УКИМ, Биљана Ангелова, истакна дека развојот на практикантството ќе им овозможи на студентите подобро да се вклопат на пазарот на трудот и полесно да создаваат визија за својот кариерен развој.

Деканот на Фармацевтскиот факултет, Светлана Кулеванова, рече дека доменот на практична обука ќе им овозможи на студентите да стекнат дополнителни знаења, вештини и искуство. „Целта е да ги задржиме младите тука и своите знаења да ги искористат за добробит на компанијата и општеството“, додаде Кулеванова. 134233224

Деканот на Природно-математичкиот факултет, Ицко Ѓоргоски, истакна дека студентите изведувајќи ја оваа практикантска работа ќе им пренесат што е она што треба да го променат во студентските курикулуми за да ги направат да бидат конкурентни. Потенцира дека соработката со Алкалоид ќе биде подигната на повисоко ниво и во малку повисоки научни аспекти.

Одговарајќи на новинарско прашање, Мукаетов рече дека првиот турнус од програмата за практиканство почнува од 1 јуни, ќе бидат опфатени 10 до 15 студенти и ќе трае три месеци.

„Дел од студентите ќе работат во истражување и развој, а дел во сегментот што е регулатори, кој поврзан со подготвување документација за регистрација на нашите лекови на пазарите каде сме присутни“, додаде Мукаетов.

На студентите кои ќе ги исполнат условите за влез во програмата за практиканство од страна на компанијата ќе им биде доделен обучен ментор, а од страна на матичната образовна установа ќе им биде зададен практичен проект кој ќе треба да го завршат во рок од три месеци. По завршувањето на практикантската задача, студентите ќе треба да ги презентираат добиените резултати кои ќе бидат евалуирани од страна на стручните ментори од компанијата и претставниците од респективната образовна установа, посочуваат од „Алкалоид АД Скопје“.

Напишете коментар

Вашата адреса за е-пошта нема да биде објавена. Задолжителните полиња се означени со *

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

коментари и анализи
...Сите ние живееме во време, кога само идејата е капитал, сè друго е пари...
Најава
Регистрација

На вашата e-mail адреса ќе добиете лозинка за логирање на КАПИТАЛ.

Заборавена лозинка?

Внесете e-mail адреса или корисничко име со кое сте регистрирани на КАПИТАЛ.

×