Пуштена во употреба првата сензорна градина во Македонија
Објавено на од во МКД-БИЗНИС И ПОЛИТИКА
Senzorna gradina 1Со цел да се овозможи поквалитетна настава за учениците со оштетен вид, Американската стопанска комора во Македонија ја пушти во употреба првата сензорна градина во Македонија изградена во училиштето за рехабилитација на деца и младинци со оштетен вид Димитар Влахов во Скопје. Сензорната градина е надворешна училница која го стимулира развојот на моторните способности и сетилата кај учениците со оштетен вид. Градината е изградена по иницијатива на Американската Стопанска Комора и е поддржана од 22 компании-членки на комората. Настанот го отворија поздравните говори на Амбасадорот на Соединетите Американски Држави Џес Бејли и Министерот за образование и наука на Република Македонија Арбер Адеми. Голем број жители од општинатаКисела Вода, претставници од приватниот сектор, медиуми и претставници од општината, предводена од градоначалникот Филип Темелковски, го проследија настанот.

“Овој проект покажува дека приватниот секторразбира дека здравото општество во кое сите имаат можности е добро за просперитетот и на компаниите и на општеството во целина, а Американската стопанска комора служи како катализатор кој ги спојува потребите во општеството со капацитетот и ресурсите на приватниот сектор,” рече амбасадорот Бејли.
Senzorna gradina 3

“Гарантирање на правата и можностите на лицата со попреченост е обврска не само на институциите на системот, туку и на секој поединец и секоја организација која е дел од севкупните општествени текови и процеси,” рече министерот Адеми.

Извршниот директор на Американската стопанска комора, Дијана Десподов, потенцираше дека успешноста на овој проект се должи на заедничката работа и партнерство помеѓу разните сегменти на општеството: јавниот, приватниот, и граѓанскиот.

Проектот финансиски и материјално го поддржаа следниве компании: Окта, Меккен Скопје, ВанХоол Македонија, ДХЛ Експрес, Шпаркасе банка, Охридска банка, Инбокс, Цементарница Усје, Нова Инт. Училишта, Млекара Битола, Пивара Скопје, Рош Македонија, Алкалоид, Прајсвотерхаус Куперс, Поленак Адвокатско Друштво, Тиквеш, Кемет Електроникс Македонија, Халкбанка, Тинекс, Комерцијална банка, Вабтек МЗТ и Џевахир Груп.
Проектот го изведоа членките на Американската стопанска комора Хабитат Македонија и Гранит.
Senzorna gradina 2

 

Напишете коментар

Вашата адреса за е-пошта нема да биде објавена. Задолжителните полиња се означени со *

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

коментари и анализи
...Сите ние живееме во време, кога само идејата е капитал, сè друго е пари...
Најава
Регистрација

На вашата e-mail адреса ќе добиете лозинка за логирање на КАПИТАЛ.

Заборавена лозинка?

Внесете e-mail адреса или корисничко име со кое сте регистрирани на КАПИТАЛ.

×