„Саген“ ќе гради капацитет во Бунарџик, вреден 20 милиони евра, и ќе вработи околу 300 луѓе
Објавено на од во МКД-БИЗНИС И ПОЛИТИКА

Фармацевтската компанија „Саген“ со седиште во Тирана ќе инвестира повеќе од 20 милиони евра во капацитет во ТИРЗ Скопје 1 во кој планира да вработи околу 300 лица.

Како што информира директорот на ТИРЗ Скопје 1, Александар Младеновски, на денешната прес-конференција во Владата, инвестицијата ќе биде поделена во три фази, а изведбата на производствениот капацитет ќе започне во јуни годинава.

„Сите фази се планирани да завршат во рок од пет години од започнувањето на градежните активности. Со новите економски политики на Владата се создаде поволна атмосфера и реални услови земјава да се позиционира како предвидлива и стабилна бизнис дестинација“, рече Младеновски.

Тој додаде дека во фаза на реализација се осум нови договори од кои пет се за закуп на земјиште во ТИРЗ, а три за државна помош.

„Разговараме и со други заинтересирани инвеститори и во следниов период очекуваме нови договори за закуп на земјиште во ТИРЗ-овите со компании од автомобилската индустрија, но и со производители за медицинска намена и други“, рече Младеновски и додаде дека наскоро ќе се презентираат и договорите за проширување на капацитетите на веќе постојни инвеститори во ТИРЗ-овите.

Договори се потпишани со компаниите „Мурат виринг системс“ за инвестиција од 4,5 милиони евра со 300 вработени, „Џемдаш лајтинг Еуропа“ кој ќе инвестира четири милиони евра и ќе вработи 200 лица, „Кеслер“ два милиони евра со 80 лица, „Доган отомотив“ ќе вложи еден милион евра во капацитет во кој ќе работат 30 лица, „Саген“ со инвестиција од 20 милиони евра и 250 вработувања, „Чагатај кабло“ шест милиони и 300 вработени, „ВИК“ исто така шест милиони евра со 60 вработени и „Костал“ кој ќе ги прошири своите капацитет со инвестиција од 30 милиони евра во која ќе вработи нови 350 лица.

Напишете коментар

Вашата адреса за е-пошта нема да биде објавена. Задолжителните полиња се означени со *

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

коментари и анализи
...Сите ние живееме во време, кога само идејата е капитал, сè друго е пари...
Најава
Регистрација

На вашата e-mail адреса ќе добиете лозинка за логирање на КАПИТАЛ.

Заборавена лозинка?

Внесете e-mail адреса или корисничко име со кое сте регистрирани на КАПИТАЛ.

×