ШК Алкалоид со силен тим интернационалци во поход кон европската титула
Објавено на од во Економија

Покрај претходно најавените петмина силни  велемајстори од топ 50 на светската рејтинг листа, ШК „Алкалоид“ добива  уште едно меѓународно засилување – кинескиот Велемајстор Ју Јангји. 

Најуспешниот клуб во шаховската историја на Македонија, ШК „Алкалоид“ ја комплетираше својата екипа со која ќе настапи на најсилното клупско шаховско натпреварување – Европски Клупски Куп (European Club Cup), кое годинава ќе се одржи во Скопје, од 17 до 25 октомври.

Покрај претходно најавените петмина силни  Велемајстори од топ 50 на светската рејтинг листа, меѓу кои: Евгениј Томашевски, Дмитриј Јаковенко, Василиј Иванчук, Дмитриј Андрејкин и Јури Криворучко, како и македонските шахисти ИМ Филип Панчевски и ВМ Трајко Недев, ШК „Алкалоид“ добива  уште едно меѓународно засилување – кинескиот Велемајстор Ју Јангји од Кина.

Иако има само 21 година, рангиран е на 30-то место на светската рејтинг листа со  2.721 поен. Велемајстор од 2009 година, репрезентативец на Кина (која последниве години доминира во светскиот екипен шах) и победник на неколку значајни турнири. Го вбројуваат меѓу перспективните силни велемајстори и е најмлад играч во составот на ШК „Алкалоид“ за ЕКК 2015. Негови позначајни успеси се:

  • 2004 Светско јуниорско до 10 години, дели 1 место.
  • 2013 Светски јуниорски шампион до 20 години.
  • 2014 Шампион на Кина.
  • 2014 Шампион на Азија.
  • 2014 Победник на Qatar Masters, каде што го победува и поранешниот светски шампион Владимир Крамник, и еден од водечките светски играчи Аниш Гири.
  • 2014 Член на репрезентацијата на Кина која освојува златен медал на Олимпијадата во Тромсо, Норвешка (личен резултат 9,5 поени од 11 партии).
  • 2015 Златен медал со репрезентацијата на Кина на Светскиот  Екипен Шампионат.
  • 2015 Победникна International Capablanka Memorial Tournament, Havana–Cuba.

Конкуренцијата на претстојниот ЕКК  2015 ќе биде исклучително силна. Листата ја предводи екипата на двократниот европски шампион „Сокар“ од Азербејџан, а го следат„Сибир“ и „Медни Всадник“ од Русија, „НовиБор“ од Чешка и „Обиетиво Рисарцименто Падова“ од Италија. Согласно иницијално објавената листа на организаторот на турнирот, ШК „Алкалоид“ е рангиран на петтото место.

Напишете коментар

Вашата адреса за е-пошта нема да биде објавена. Задолжителните полиња се означени со *

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

...Сите ние живееме во време, кога само идејата е капитал, сè друго е пари...
Најава
Регистрација

На вашата e-mail адреса ќе добиете лозинка за логирање на КАПИТАЛ.

Заборавена лозинка?

Внесете e-mail адреса или корисничко име со кое сте регистрирани на КАПИТАЛ.

×