Чоколадната индустрија барајќи начин за продор на нови пазари се насочува кон производство на чоколади отпорни на топлина, кои притоа нема да загубат од вкусот. Секторот оптоварен со високи цени на суровините и со годишен раст од одвај 0,6%, ваквата иновација би можела да го оживее, односно, на оние што ќе ја применат да им даде клучна конкурентска предност. Сегашната чоколада лесно се топи на температури типични, на пример, за Блискиот исток, а швајцарски Lindt е скептичен дека нешто ќе се смени и ако се воведе иновацијата на сличните пазари или на оние што уште не поседуваат технологија за правилно складирање на чоколадни производи.
Но, гигантот Barry Callebaut смета дека решението е тука, во чоколадата што не се топи. Оттаму тврдат дека рецептот вклучува комбинација на суровини отпорни на температури до 38 целзиусови степени, но, да бидат такви, што нема да му пречат на вкусот. И Nestle најави дека развива нешто слично, што значи во битката што ќе ја отвори новата технологија ќе влезат повеќе играчи. Кому најдобро ќе му успее, би можел да го освои пазарот на храна и пијалоци во кој чоколадата е важен производ, сметаат аналитичарите.
