Скандалите не му наштетиле на Facebook – приходите му скокнале за речиси 50%, а добивката уште повеќе
Објавено на од во hi-tech & business

Facebook во изминатото тромесечие остварил приходи од скоро 12 милијарди долари, што е 49% повеќе од истиот период година претходно, а бидејќи силно пораснала и добивката на најголемата социјална мрежа, се чини дека скандалот со недозволеното користење на податоците на корисниците засега не ѝ наштетил.

Според вчера објавениот финансиски извештај, чистата добивка на Facebook во првиот квартал од оваа година достигнала 4,99 милијарди долари, што е 63% повеќе од година претходно.

Притоа приходите од огласување, најголемиот извор на приходи за компанијата, пораснале за околу 50%, на 11,7 милијарди долари.

Аналитичарите на компанијата еMarketer проценуваат дека оваа година приходите на Facebook од дигитално огласување ќе стигнат до удел од 18% во вкупните глобални приходи од овој вид огласување, додека Google би зафатил 31%.

Според податоците од финансискиот извештај, Facebook на крајот на изминатото тромесечие имал 2,2 милијарди активни корисници, додека на мрежата секојдневно ѝ пристапувале 1,45 милијарди, што е 13% повеќе од лани.

Поради недозволеното користење на податоците на корисниците, но и поради претходниот скандал со лажните објави на Facebook платени од Русија во обид да се влијае на изборите во САД, Facebook вработи луѓе за борба против лажните вести и реклами. Оттука трошоците за компанијата во изминатиот квартал пораснале за 39%, при што бројот на вработени е зголемен за 48%, на 27.740.

Напишете коментар

Вашата адреса за е-пошта нема да биде објавена. Задолжителните полиња се означени со *

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

коментари и анализи
...Сите ние живееме во време, кога само идејата е капитал, сè друго е пари...
Најава
Регистрација

На вашата e-mail адреса ќе добиете лозинка за логирање на КАПИТАЛ.

Заборавена лозинка?

Внесете e-mail адреса или корисничко име со кое сте регистрирани на КАПИТАЛ.

×