Со 6,66 милиони евра оштетени корисниците на парно од БЕГ, МВР кривично ја гони поранешна Регулаторна
Објавено на од во Економија
МВР поднесе кривична пријава против поранешни членови на Регулаторната агенција за енергетика (РКЕ), поради издавање лиценца за работа на „Балкан енерџи груп“, кој е операторот што снабдува најголем дел од Скопје со топлинска енергија, но и поради тоа што овозможиле оваа компанија незаконски да дојде до поголем профит.
parno-e1510835695484Вкупната штета што со тоа им е нанесена на приклучените на парно во Скопје, кои биле корисници на БЕГ е проценета на 6,66 милиони евра.
Одделот за сузбивање на организиран и сериозен криминал при МВР поднел кривична пријава за злоупотреба на службената положба и овластување против Д.П. (51), пpетседател и член на РКЕ до јуни 2018 година, потоа С.Ј. (61), која е и поранешен и актуелен член на РКЕ, како и против В.К. (65) и Е.М.В. (51), поранешни членови на РКЕ до март 2017 година.
Тие се товарат дека спроотивно на Законот за енергетика и Правилникот за лиценци за вршење на енергетски дејности, во декември на три правни субјекти им доделиле лиценци за вршење на регулирано производство, дистрибуција и снабдување со топлинска енергија, без при тоа да бидат исполнети условите и критериумите објавени во ноември 2012 година со јавните повици за три оператори – за производство, дистрибуција и снабдување со топлинска енергија.
Станува збор за фирмите „Производство на топлина Балкан Енерџи ДООЕЛ“, „Дистрибуција на топлина Балкан Енерџи ДООЕЛ“ и „Снабдување со топлина Балкан Енерџи ДООЕЛ“.
Покрај тоа, како што наведува МВР, осомничените во 2013, 2014, 2015, 2016 и 2017 година, противправно и спротивно на Правилникот за цени и системски услуги, донеле Одлуки за утврдување на регулиран максимален приход, со кои на трите фирми од конгломератот Балкан Енерџи Груп им се признавал трошок поголем од дозволениот и со тоа им било овозможено да остварат приход поголем од регулираниот дозволен максимален приход.
Вкупната штета што со тоа им е нанесена на граѓаните – корисници на услуги е проценета на 6,66 милиони евра, тврди МВР.

Напишете коментар

Вашата адреса за е-пошта нема да биде објавена. Задолжителните полиња се означени со *

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

коментари и анализи
...Сите ние живееме во време, кога само идејата е капитал, сè друго е пари...
Најава
Регистрација

На вашата e-mail адреса ќе добиете лозинка за логирање на КАПИТАЛ.

Заборавена лозинка?

Внесете e-mail адреса или корисничко име со кое сте регистрирани на КАПИТАЛ.

×