Според Шангајската листа најдобар Универзитет во Северна Македонија во областа на наставата и учењето е Меѓународниот Балкански Универзитет
Објавено на од во Економија
Универзитетскиот кампус располага со седум факултети, вклучително 18 програми за додипломски студии и 10 програми за постдипломски студии во различни области, како што се инженерство, архитектура, економија, административни науки, ликовна уметност, образовни науки, комуникација, хуманистички науки и општествени науки. Во процес на акредитација е и новоформираниот Факултет за медицински науки.
unnamed (3)
Создавање нависококвалитетен кадар којшто е веднаш конкурентен на пазарот на трудот, воспоставено партнерство со бизнис секторот, околу 150 договори за соработка, со можност за стажирање и работа на студентите се само дел од придобивките од студирањето на Меѓународниот Балкански Универзитет (МБУ). Универзитетот којшто според Шангајската листа е најдобар во државата во областа на наставата и учењето поседува двојна акредитација, од Македонија и од Турција, со комбинација на напредни програми и методи за студирање во мултинационална средина. На МБУ во моментов студираат повеќе од 2000 студенти од Македонија, Турција, Црна Гора, Косово, Србија, Босна и Херцеговина, Бугарија.
 „Меѓународниот Балкански Универзитет е создаден врз идејата за  зближување и поврзување на двата клучни сектори во секое просперитетно ориентирано општество, образованието и стопанството. Си поставивме мисија да го подигнеме образовното ниво во регионот и да го направиме поконкурентен пазарот на трудот. Веќе 13 години со нашата мултинационална и мултикултурна филозофија и едукативните програми и методи на работа, создаваме самоуверени, општествено одговорни и глобално конкурентни интелектуалци и професионалци подготвени за веднаш да се наметнат како фактор на пазарот на трудот. На тој начин универзитетот игра клучна улога во градењето и зацврстувањето на мостови на соработка, взаемна поддршка и блиски односи меѓу народите на Балканот и Турција, што е уште една наша предност“, вели Ајдован Адемоски, претседател на Управниот одбор на Меѓународниот Балкански Универзитет.
 Универзитетскиот кампус располага со седум факултети, вклучително 18 програми за додипломски студии и 10 програми за постдипломски студии во различни области, како што се инженерство, архитектура, економија, административни науки, ликовна уметност, образовни науки, комуникација, хуманистички науки и општествени науки. Во процес на акредитација е и новоформираниот Факултет за медицински науки, кој ќе отвори нови можности за младите во државата да се професионализираат во висококвалитетни образовни услови и во оваа многу значајна област. На ниво на универзитетот воспоставени се релации кои нудат многу можности за студентите, пред се преку програмите за размена како Еразмус+ и Мевлана, како и договори за билатерална соработка со истакнати европски универзитети.
 Во насока на подигнување на свеста за општествената одговорност, откако е основан универзитетот досега има доделено повеќе од 1000 стипендии на талентирани студенти, со што придонесува за поголема и поширока достапност до квалитетно образование на универзитет со меѓународен карактер и странско искуство преку програмите за мобилност во текот на студиите.

Напишете коментар

Вашата адреса за е-пошта нема да биде објавена. Задолжителните полиња се означени со *

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

коментари и анализи
...Сите ние живееме во време, кога само идејата е капитал, сè друго е пари...
Најава
Регистрација

На вашата e-mail адреса ќе добиете лозинка за логирање на КАПИТАЛ.

Заборавена лозинка?

Внесете e-mail адреса или корисничко име со кое сте регистрирани на КАПИТАЛ.

×