Стратегија Blue Ocean – Пливајте каде што немате конкуренција
Објавено на од во луѓе и компании
Blue Ocean Strategy

Дали знаете што е заедничко за Apple, Tesla Motors, CNN, Southwest Airlines, ING Direct, Federal Express, Starbucks, Ikea, eBay?
Во прашање е стратегијата наречена Blue Ocean или плав океан. Плавиот океан е простор во кој конкуренцијата е се уште слаба или дури и не постои, а можностите за раст на бизнисот и создавање на профит се практично неограничени, така да можете слободно да пливате каде што сакате.

 

Дали знаете што е заедничко за Apple, Tesla Motors, CNN, Southwest Airlines, ING Direct, Federal Express, Starbucks, Ikea, eBay?

Во прашање е стратегијата наречена Blue Ocean (Плав Океан). Станува збор за менаџмент концепт или пристап во управувањето со бизнисот кој го осмислиле Чан Ким (W.Chan Kim)и Рене Моборн (Renee Mauborgne), професори на познатата бизнис школа INSEAD. Нивниот пристап е базиран на десетгодишното истражување во кое вклучена и студијата за над 150 стратешки одлуки во последните 100 години во 30 различни области и прв пат е објавен во списанието Harvard Business Review во октомври 2004 година.

Според авторите на оваа стратегија, најголем број од компаниите “пливаат” во црвен океан, кој е преполн со конкуренција од фирми кои нудат слични или скоро исти услуги и производи, и каде постојат мали шанси да остварите деловен раст и да го унапредите работењето. Во црвениот океан борбата трае цело време, профитот е се помал, како и уделот на пазарот. А океанот е се поцрвен од “крвта која е пролеана од таа борба”.
Компаниите во црвениот океан најчесто ги освојуваат и задржуваат купувачите со намалување на цените или диференцијација на производите и услугите. Од друга страна, плавиот океан (blue ocean) е простор во кој конкуренцијата е се уште слаба или дури и не постои, а можностите за раст на бизнисот и создавање на профит се практично неограничени, така да можете слободно да пливате каде што сакате. Она што треба да го направите е да креирате или да откриете нови простори на пазарот каде не постои конкуренцијата.

Како да создадете плав океан ?

Плави океани можете да креирате на два начина. Преку воспоставување на целосно нови индустриски гранки, како на пример eBay во сферата на онлајн аукции или преку нивно креирање во рамки на постојните црвени океани кога компанијата го шири работењето надвор од границите на својата област на работење.

 Најголем број од компаниите “пливаат” во црвен океан, кој е преполн со конкуренција.

Треба да се нагласи дека компанијата не треба да ја промени својата област на работење или да изврши реорганизација за да стане blue ocean компанија. Всушност, најчесто во прашање е нов производ или услуга која купувачите утре ќе го сакаат иако денес можеби не се ни свесни за своите потреби или желби. Или поинаку кажано, во плавите океани побарувачката се креира, за разлика од црвените океани во кои постојано морате да се борите за побарувачката.

OutsourcingВо едно интервју, еден од авторите на оваа стратегија Чан Ким изјавува дека поголемиот дел од компаниите денес се фокусирани само на бројки и постојана компаративна анализа што ги спречува да ја видат вистинската можност. Заради тесниот фокус на конкуренцијата, овие компании постојано ќе пливаат во црвен океан За да испливате од црвениот океан, како прво, морате да се откажете од една лоша навика и да престанете само да го применувате бенчмаркингот, кој подразбира постојано пратење и споредување со конкуренцијата и опседнатост со нејзините резултати и начинот на кој ги постигнува.

Ако тоа постојано го правите, се повеќе ќе личите на другите и ќе бидете само една од многуте компании кои нудат слично, што дефинитивно не е она што сакате да го постигнете, барем не на долгорочен план.

Она што го нудите на пазарот и на купувачите не треба да биде класична трампа, односно да им нудите толку колку што платиле. Наместо тоа, треба да им понудите што поголема вредноста со пониски трошоци и на тој начин да креирате плав океан.
Како што велат авторите на оваа стратегија, со пристапот на value innovation на купувачите ќе им дадете повеќе отколку што очекуваат, а од друга страна ќе ги намалите трошоците на пазарот, бидејќи на пазарот и на купувачите ќе им нудите производи и услуги кои порано не биле нудени и немаат конкуренција.
Како резултат на сето тоа ќе можете да си обезбедите нови пазари нови купувачи. Истражувањата покажуваат дека компаниите кои пливаат во плавите океани се 2 до 3 пати попрофитабилни во споредба со оние во црвените океани.

Следен многу важен чекор е да се обидете наместо на постојните купувачи да се фокусирате на оние кои се уште не се ваши купувачи или корисници на услуги. Тоа е вистински почеток кон креирањето на плав океан идеја.

Една од најчестите предрасуди кога е во прашање стратегијата Blue ocean е дека таа е заснована исклучиво на технолошки иновации. Истражувањата кои ги објавија авторите на оваа стратегија покажаа дека новите технологии ретко биле клучен фактор. Почесто било случај дека се користеле постојни технологии со цел редизајнирање на производите или услугите.
Како да ја одберете вистинската стратегија?

Стратегијата не е аспирација, ниту визија, ниту цел. Стратегијата е она што еден бизнис го прави конкурентен и му дава конкурентска предност, му дава правец, ја гради репутацијата на брендот, создава супериорни перформанси, ја дефинира пазарната позиција и креира уникатна вредност. Затоа при формулирање на стратегијата на почетокот мора добро да се одбере што еден бизнис ќе работи, а што не, кои потрошувачи ќе ги таргетира, кои нивни потреби ќе ги задоволува и по која цена.

Факт е дека повеќето стратегии се фокусираат главно на конкуренцијата. Многу е јасно и зошто е тоа така – пазарите во извесна смисла се веќе заситени и многу често понудата на одредени производи или услуги далеку ја надминува побарувачката. Генерално, тоа условува појава на поголема чувствителност на потрошувачите на цени, што значително влијае на висината на профитните маржи.

Во наведените околности компаниите главно усмерени на стратегијата за управување со трошоците (евтин производител), стратегијата на диференцијација (единствен бренд) и стратегијата на фокус (опслужување на тесен сегмент на пазарот). Но, покрај овие стратегии, Blue ocean стратегијата која нуди сосема различен пристап кон освојувањето на пазарот и потрошувачите.

Има ли простор за blue ocean стратегија во Македонија?

Како и сите стратегии, и оваа има свои критичари. Оние кои ја оспоруваат најчесто велат дека во прашање е класична сегментација на пазарот кој води кон микросегментирање и барање на свои пазарни ниши. Други, пак, велат дека преку процесот на латерален маркетинг се создава повеќе иновации. Многумина се прашуваат како е можно blue ocean компанија да креира нов пазар или нова индустриска гранка, а конкуренцијата да не реагира и да не понуди иста услуга или производ во најкратко време. Денес е практично невозможно со создавање на некој иновативен производи или услуга да доминирате на пазарот десет или повеќе години. Но, многу работи кои се типични за развиениот свет и пазарните економии се уште не важат и за Македонија. Затоа е прилично сигурно дека во Македонија има и тоа како и простор и време да се размислува и делува по принципот на создавање на плав океан, односно понудување на пазарот на производ или услуга кои ги нема, а за кои ќе има потреба и побарувачка.

 

Напишете коментар

Вашата адреса за е-пошта нема да биде објавена. Задолжителните полиња се означени со *

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

коментари и анализи
...Сите ние живееме во време, кога само идејата е капитал, сè друго е пари...
Најава
Регистрација

На вашата e-mail адреса ќе добиете лозинка за логирање на КАПИТАЛ.

Заборавена лозинка?

Внесете e-mail адреса или корисничко име со кое сте регистрирани на КАПИТАЛ.

×