Тачи: Царините ќе се укинат само откако Србија ќе го признае Косово
Објавено на од во БАЛКАН-БИЗНИС И ПОЛИТИКА
Косовскиот претседател Хашим Тачи изјави дека на меѓународниот форум во Братислава, каде што отпатува, нема да има посебна средба со српскиот претседател Александар Вучиќ, туку може да разговара со него на панелот на кој ќе стане збор за дијалогот меѓу Косово и Србија.
хашим тачиОбраќајќи им се на новинарите на приштинскиот аеродром, пред полетувањето за Словачка, Тачи рече дека царините од 100% на увозот од Србија и Босна и Херцеговина ќе се укине само откако Белград ќе ја признае независоста на Косово.
„Царината е исправна и легитимна одлука, треба да остане во сила и не треба некој да ја гледа како дополнителен критериум за визна либерализација за косовските граѓани“, изјави Тачи.
Тој рече дека на форумот во Словачка, која е една од петте членки на Европската унија кои се уште ја немаат признаено независноста на Косово, ќе ги претстави достигнувањата на неговата земја, 20 години по завршувањето на војната и 11 години по прогласувањето независност.
„Ова е прва можност на претседателско ниво да го претставувам Косово на овој форум, каде што ќе се расправа за косовската актуелност и каде ќе ги претставам достигнувањата на нашата држава. Ќе биде тоа можност да се расправа и за дијалогот меѓу Косово и Србија и за изгледите да се постигне еден историски договор. Повторно ќе го нагласам прашањето на визната либерализација. Оваа дискриминација и изолација на нашите граѓани мора да заврши“, изјави Тачи.
За кампањата што ја води министерот за надворешни работи на Србија Ивица Дачиќ со испишувањето на пораката „Косово е Србија“ на разни банкноти, косовскиот претседател рече дека е понижувачка за самата Србија.
„За Косово е најдобро што помалку да се занимава со такви луѓе кои немаат никакво влијание. Да не губиме време на ниски слогани. На цел свет му е јасно дека Косово е слободна и независна држава. Оваа кампања е понижувачка за нив самите. Се гледа дека тие се уште живеат во минатиот век. Ние трееба да работиме согласно реалноста“, изјави Тачи.

Напишете коментар

Вашата адреса за е-пошта нема да биде објавена. Задолжителните полиња се означени со *

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

коментари и анализи
...Сите ние живееме во време, кога само идејата е капитал, сè друго е пари...
Најава
Регистрација

На вашата e-mail адреса ќе добиете лозинка за логирање на КАПИТАЛ.

Заборавена лозинка?

Внесете e-mail адреса или корисничко име со кое сте регистрирани на КАПИТАЛ.

×