Ципрас ќе го посети Скопје во првата седмица од април
Објавено на од во БАЛКАН-БИЗНИС И ПОЛИТИКА
Се чини дека посетата на грчкиот премиер Алексис Ципрас на Скопје се планира за првата седмица од април, рече министерот за надворешни работи на Грција, Јоргос Катругалос во интервјуто за грчкото радио „Њуз247”, без притоа да го потврди датумот 2 април што интензивно се споменува во изминатиот период, јави дописничката на МИА од Атина.
Cipras foto
Прашан за шпекулациите во Грција за размена на споменици, шефот на грчката дипломатија рече дека некои, комуникациски, се обидуваат да управуваат со обидите што се прават за да се изградат добри односи.
-Се обидуваме да најдеме начини со луѓе на кои не им велевме добар ден, заедно да планираме промоција на заедничките интереси и стабилизација на регионот. Размислуваме за потези што на нашите народи ќе им покажат дека климата навистина е подобрена. Овие потези, ќе ги правиме внимателно, објасни Катругалос.
Во интервјуто, шефот на грчката дипломатија говореше за реакциите за Договорот од Преспа, особено во северниот дел на Грција и рече дека „постои емоционална реакција”, но со текот на времето сите ќе ги сфатат придобивките, особено економските, од решението меѓу двете земји.
– Имаме повредена национална гордост од времето на меморандумите и лесно, еден позитивен договор може да се прочита низ очила што го менуваат. Моето лично мислење е како што поминува времето, како што во Северна Грција ќе почнат да ги сфаќаат, во првата фаза, економските придобивки што ќе ги има Северна Грција од договорот и во реалноста ќе стане центарот, срцето на економијата на еден обединет балкански простор што ќе има 50 милиони, потоа ќе можат смирено да ги разгледаат многу важните придобивки од Договорот од Преспа за нашата земја, рече Катругалос за “Њуз247”, пренесе МИА.

Напишете коментар

Вашата адреса за е-пошта нема да биде објавена. Задолжителните полиња се означени со *

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

...Сите ние живееме во време, кога само идејата е капитал, сè друго е пари...
Најава
Регистрација

На вашата e-mail адреса ќе добиете лозинка за логирање на КАПИТАЛ.

Заборавена лозинка?

Внесете e-mail адреса или корисничко име со кое сте регистрирани на КАПИТАЛ.

×